அயோத்தி ராமர் கோவில் கட்டுமானப் பணிகள் உ.பி. முதல்வர் யோகி ஆய்வு

up-cm-yogi 2021 08 05

அயோத்தியில் ராமர் கோவிலில் நடைபெறும் கட்டுமானப் பணிகள் குறித்து உ..பி முதல்வர் யோகி ஆதித்யநாத் நேற்று நேரில் ஆய்வு செய்தார்.

அயோத்தியில் சுமார் ரூ.1,100 கோடி மதிப்பீட்டில் பிரமாண்டமான ராமர் கோவில் கட்டப்படுகிறது. இது உலகமெங்கும் உள்ள இந்துக்கள் மத்தியில் பெரும் எதிர்பார்ப்பை ஏற்படுத்தி உள்ளது.  இந்தக் கோவில் கட்டுவதற்கான பூமி பூஜை கடந்த ஆண்டு ஆகஸ்டு மாதம் 5-ம்  தேதி நடந்தது. இதில் பிரதமர் மோடி கலந்து கொண்டு, வெள்ளி செங்கல்லை எடுத்துக் கொடுத்து கட்டுமானப் பணிகளை தொடங்கி வைத்தார்.

கோவில் வளாகத்தின் கட்டுமானப்பணிகள் முழுமையாக 2025 இறுதியில்தான் முடியும் எனவும் தகவல்கள் கூறுகின்றன. இந்தக் கோவிலுக்கான அஸ்திவாரப்பணிகள் செப்டம்பர் 15-ம் தேதிக்குள் முடிவடையும் என்று அங்கிருந்து வரும் தகவல்கள் கூறுகின்றன. இந்தக் கோவில் 3 தளங்கள், 5 குவி மாடங்கள், கோபுரங்கள், 360 தூண்கள் என மிக பிரமாண்டமாக உருவாகப்போகிறது.

இந்நிலையில், அயோத்தி சென்ற உத்தரபிரதேச முதல்வர் யோகி ஆதித்யநாத் ராமர் கோவிலின் மாதிரியை பார்வையிட்டு தரிசனம் செய்தார். அதன் பின்னர் ராமர் கோவிலில் நடைபெற்று வரும் கட்டுமானப் பணிகளின் முன்னேற்றத்தையும் குறித்து ஆய்வு செய்தார். அதன் பின்னர் அயோத்தியில் உள்ள ராம ஜன்மபூமி தளத்தில் ராம் லல்லாவிற்கு சென்று பிரார்த்தனை செய்தார்.

இதை ஷேர் செய்திடுங்கள்:

வீடியோ

View all comments

வாசகர் கருத்து