முப்பது ஆண்டுகளுக்கும் மேலாகத் திரையுலகக் கனவோடு உலா வந்த கதிரேசகுமார், தாமே தயாரிப்பாளராகி கதாநாயகனாகவும் நடித்திருக்கும் படம் கெழப்பய. கர்ப்பிணிப் பெண்ணோடு வரும் ஒரு காரை வழி மறித்து செல்லவிடாமல் தடுக்கிறார் கதிரேசகுமார். இவரது செயல் அனைவரையும் கோவப்பட வைக்கிறது. உடலில் பலம் இல்லையெனினும் மனதிடத்தோடு போராடும் கதாபாத்திரத்தில் முழுமையாகப் பொருந்தி போகியிருக்கிறார் நாயகன் கதிரேசகுமார். ஒரு மெல்லிய கதை, புதுமுக நடிகர்கள், கட்டுப்பாடான படப்பிடிப்பு ஆகியவற்றை வைத்தே, அதிலும் எல்லோரும் எதிர்பார்க்கக் கூடிய வகையில் திரைக்கதையாக்கி வெற்றியும் பெற்றிருக்கிறார் இயக்குநர் யாழ் குணசேகரன். கெழப்பய என்று எவரையும் எளிதில் புறக்கணித்துவிட இயலாது என்கிற ஆழமான செய்தியையும் அழுத்தமாகச் சொல்லியிருக்கிறார் இயக்குனர்.