அக். 1,3-ம் தேதிகளில் தெலுங்கானாவில் பா.ஜ.க. பொதுக்கூட்டம் : பிரதமர் மோடி பேசுகிறார்

திருப்பதி : தெலுங்கானா மாநிலத்தில் அக்டோபர் 1 மற்றும் 3-ம் தேதிகளில் ஏற்பாடு செய்யப்பட்டுள்ள பிரம்மாண்ட பொதுக்கூட்டங்களில் பிரதமர் மோடி கலந்து கொண்டு பேசுகிறார். இதற்கான ஏற்பாடுகளை பா.ஜ.க. எம்.பி. லட்சுமணன் மற்றும் மாநில பா.ஜ.க தலைவர் கிஷன்ரெட்டி ஆகியோர் செய்து வருகின்றனர். 

தெலுங்கானா மாநிலத்தில் பாராளுமன்ற தேர்தலுடன் மாநில சட்டமன்றத் தேர்தல் நடைபெற உள்ளது. தெலுங்கானா மாநிலத்தில் ஆட்சியைப் பிடிக்க பா.ஜ.க. பல்வேறு வியூகங்களை வகுத்து வருகிறது. இந்நிலையில் பிரதமர் மோடி பங்கேற்கும் வகையில் பிரமாண்டமான பொதுக்கூட்டங்களை நடத்த ஏற்பாடு செய்துள்ளனர். 

அதன்படி அக்டோபர் 1-ம்  தேதி தெலுங்கானா மாநிலம் மகபூப்நகர் மற்றும் 3-ம்  தேதி நிஜமாபாத்தில் பா.ஜ.க பிரமாண்ட பொதுக்கூட்டம் நடத்தப்படுகிறது. இதில் பிரதமர் மோடி கலந்து கொண்டு பேச உள்ளார். இதற்கான ஏற்பாடுகளை பா.ஜ.க. எம்.பி. லட்சுமணன் மற்றும் மாநில பா.ஜ.க தலைவர் கிஷன்ரெட்டி ஆகியோர் செய்து வருகின்றனர்.