குலேபகாவலி, ஜாக்பாட் உள்ளிட்ட படங்களை இயக்கிய கல்யாண் ‘80ஸ் பில்டப்’ என்ற திரைப்படத்தை இயக்கியுள்ளார். இதில் சந்தானம் நாயகனாக நடித்திருக்கிறார். இந்த திரைப்படத்தின் பாடல் மற்றும் டிரைலர் வெளியீட்டு விழா சமீபத்தில் நடைபெற்றது. விழாவில் பேசிய சந்தானம்,. மிக குறைந்த நாட்களில் இந்த திரைப்படத்தை எடுத்ததாகவும், அதற்காக அதிக கேமராக்கள் பயன்படுத்தப்பட்டதாகவும் கூறினார். இந்த திரைப்படம் அனைவரும் ரசிக்கும்படி இருக்கும் என்று கூறினார். தயாரிப்பாளர் ஞானவேல் ராஜா பேசுகையில் நடிகர் சந்தானமும், தானும் ஒரே சமயத்தில் சினிமாவிற்கு வந்ததாக தெரிவித்தார். சில்லுனு ஒரு காதல் திரைப்படத்திற்கு ஒன்றரை லட்சம் சம்பளம் வழங்கி அடுத்தடுத்த படங்களுக்கு சம்பளம் உயர்ந்து உயர்ந்து இந்த பில்டப் படத்திற்கு மூன்று கோடி ரூபாய் சம்பளம் வாங்கி இருக்கிறார். இது 30 கோடியாக உயர வேண்டும் அந்த அளவுக்கு அவர் வெற்றியடைய வேண்டும் எனவும் வாழ்த்தினார்.