முக்கிய செய்திகள்
Idhayam Matrimony

உதயநிதி வந்த ஹெலிகாப்டரில் பறக்கும் படையினர் சோதனை

ஞாயிற்றுக்கிழமை, 14 ஏப்ரல் 2024      தமிழகம்
Udayanidhi 2024-04-14

Source: provided

ஊட்டி : தி.மு.க.வேட்பாளர் ஆ. ராசாவை ஆதரித்து இன்று பிரச்சாரம் மேற்கொள்வதற்காக நேற்று நீலகிரிக்கு ஹெலிகாப்டரின் சென்றார் அமைச்சர் உதயநிதி ஸ்டாலின். அப்போது அவர் பயணித்த ஹெலிகாப்டரில் பறக்கும் படை அதிகாரிகள் நேற்று சோதனை மேற்கொண்டனர். 

பாராளுமன்ற தேர்தல் நாடு முழுவதும் வரும் 19-ம் தேதி தொடங்கி ஜூன் 1-ம் தேதி வரை 7 கட்டங்களாக நடைபெற உள்ளது. தமிழகத்தில் 39 தொகுதிகள், புதுச்சேரி என மொத்தம் 40 தொகுதிகளிலும் வரும் 19-ம் தேதி ஒரேகட்டமாக தேர்தல் நடைபெற உள்ளது. தேர்தலில் பதிவாகும் வாக்குகள் ஜூன் 4-ம் தேதி எண்ணப்பட்டு அன்றே முடிவுகள் அறிவிக்கப்பட உள்ளன.  

தேர்தல் நெருங்கி வரும் நிலையில் அரசியல் கட்சி தலைவர்கள் தீவிர வாக்குசேகரிப்பில் ஈடுபட்டு வருகின்றனர். தேர்தல் நெருங்கி வரும் நிலையில் பறக்கும் படையினரும் தீவிர கண்காணிப்பில் ஈடுபட்டு வருகின்றனர்.

இந்நிலையில், நீலகிரி தொகுதி தி.மு.க. வேட்பாளர் ஆ.ராசாவை ஆதரித்து அமைச்சர் உதயநிதி ஸ்டாலின் இன்று பிரச்சாரத்தில் ஈடுபட்ட உள்ளார். உதகை, குன்னூர், கூடலூர், கோத்தகிரி உள்ளிட்ட பகுதிகளில் உதயநிதி பிரச்சாரம் செய்ய  உள்ளார். 

இதற்காக அவர் நேற்று ஹெலிகாப்டர் மூலம் ஊட்டி சென்றுள்ளார். நீட்டுக்கல் பகுதியில் ஹெலிகாப்டர் தரையிறங்கியது.அப்போது, உதயநிதி ஸ்டாலின் சென்ற ஹெலிகாப்டரில் தேர்தல் பறக்கும்படையினர் அதிரடி சோதனை நடத்தினர்.  

இந்த சோதனையில் ஹெலிகாப்டரில் பணமோ?, பரிசு பொருளோ? எதுவும் இல்லை என்பதை உறுதி செய்தபின் தேர்தல் பறக்கும்படை அதிகாரிகள் அங்கிருந்து புறப்பட்டு சென்றனர். 

முன்னதாக, ராமநாதபுரத்தில் பா.ஜ.க. மாநில தலைவர் அண்ணாமலை வந்த ஹெலிகாப்டரிலும் தேர்தல் பறக்கும்படையினர் சோதனை நடத்தினர் என்பது குறிப்பிடத்தக்கது.   

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து