தமிழக மீனவர்களுக்கு இலங்கை கோர்ட் அபராதம்:மத்திய அமைச்சருக்கு தமிழ்நாடு முதல்வர் மு.க.ஸ்டாலின் கடிதம்

வியாழக்கிழமை, 5 செப்டம்பர் 2024 தமிழகம்

அ+ அ-

Source: provided

சென்னை: தமிழக மீனவர்களுக்கு இலங்கை கோர்ட் அபராதம் விதித்தது தொடர்பாக மத்திய வெளியுறவுதுறை அமைச்சருக்கு தமிழ்நாடு

முதல்வர் மு.க.ஸ்டாலின் கடிதம் எழுதியுள்ளார். அதில் மீனவர்களுக்கு விதிக்கப்பட்ட அபராதத் தொகையை தள்ளுபடி செய்ய நடவடிக்கை எடுக்க வேண்டும் என வலியுறுத்தியுள்ளார்.

தமிழக மீனவர்களை இலங்கை கடற்படையினர் கைதுசெய்வதும், அவர்களின் படகுகளை பறிமுதல் செய்வதோடு, மீனவர்களுக்கு இலங்கை கோர்ட்டு அபராதம் விதிப்பதும் வாடிக்கையாகி வருகிறது. இன்றும் (நேற்று) 3 மீனவர்களுக்கு 6 மாதம் சிறை தண்டனை விதித்துள்ள இலங்கை நீதிமன்றம், 8 மீனவர்களுக்கு இலங்கை மதிப்பில் தலா ரூ.50 ஆயிரம் அபராதம் விதித்துள்ளது. முன்னதாக தூத்துக்குடி மீனவர்கள் 12 பேருக்கு ரூ.3.5 கோடி அபராதம் விதித்து இருந்தது. தொடர்ந்து அத்துமீறும் இலங்கை கடற்படையின் நடவடிக்கைகளுக்கு மத்திய அரசு முற்றுப்புள்ளி வைக்க வேண்டும் என பல்வேறு கட்சிகள் கோரிக்கை விடுத்து வருகின்றன.

இந்த நிலையில், தமிழக மீனவர்கள் விவகாரம் தொடர்பாக மத்திய அமைச்சர் ஜெய்சங்கருக்கு முதல்வர் மு.க.ஸ்டாலின் கடிதம் எழுதியுள்ளார். அந்த கடிதத்தில் அவர் கூறி இருப்பதாவது; தமிழ்நாட்டு மீனவர்கள் தங்களது பாரம்பரிய மீன்பிடிப் பகுதிகளில் மீன் பிடித்துக் கொண்டிருக்கும்போது அடிக்கடி கைது செய்யப்படுவது அவர்களது வாழ்வாதாரத்தை மிகவும் பாதிக்கிறது. தமிழ்நாட்டின் புதுக்கோட்டையைச் சேர்ந்த 4 மீனவர்களை அவர்களது மீன்பிடிப் படகுடன் (பதிவு எண்.IND-TN-08-MM-1418) இலங்கைக் கடற்படையினர் சிறைபிடித்துள்ளனர்.

இந்தப் பாரம்பரிய மீன்பிடிப் பகுதிகள் தமிழ்நாட்டு மீனவர்களுக்கு பல தலைமுறைகளாக வாழ்வாதாரமாக திகழ்கிறது. மீனவர்கள் அடிக்கடி கைது செய்யப்படுவதும் படகுகள் பறிமுதல் செய்யப்படுவதும் தமிழ்நாட்டு மீனவர் சமூகத்தினருக்கு மிகுந்த துயரத்தை ஏற்படுத்தியுள்ளது. மேலும், 21-07-2024 அன்று IND- TN-12-MM-5900 என்ற பதிவெண் கொண்ட படகில் மீன் பிடித்துக் கொண்டிருந்தபோது கைது செய்யப்பட்ட 12 தமிழ்நாட்டு மீனவர்களுக்கு இலங்கை நீதிமன்றம் 03-09-2024 அன்று 1.5 கோடி ரூபாய் அபராதம் விதித்தது. இது ஏற்கனவே துயரத்தில் உள்ள மீனவ குடும்பங்களை மிகவும் வேதனைக்குள்ளாக்குவதுடன் அவர்களுக்கு மிகப்பெரிய இழப்பையும் ஏற்படுத்தும்.

எனவே, இலங்கை வசம் உள்ள மீன்பிடிப் படகுகளை விடுவித்திடவும், மீனவர்களை தாயகத்திற்குத் திரும்பி அழைத்து வரவும், மீனவர்கள் மீது விதிக்கப்பட்ட அபராதத் தொகையினை மனிதாபிமான அடிப்படையில் தள்ளுபடி செய்யவும் உரிய நடவடிக்கை எடுக்குமாறு வெளியுறவுத் துறை அமைச்சர் ஜெய்சங்கரை வலியுறுத்துகிறேன். இவ்வாறு அதில் கூறப்பட்டுள்ளது.

இதை ஷேர் செய்திடுங்கள்:

உங்கள் சரியான வாழ்க்கை துணையை தேர்ந்தெடுக்க இதயம் மேட்ரிமோனி - பதிவு இலவசம்

சினிமா நடிகர், நடிகைகளின் புகைப்படங்கள்

சித்த மருத்துவ குறிப்புக்கள்

மூளை பலம் பெற \| ஞாபக சக்தி பெருக \| மூளை சுறுசுறுப்பாக \| சுறுசுறுப்பு பெற - சித்த மருத்துவ குறிப்புக்கள் 2 months 2 weeks ago	புண்கள் குணமாக \| ஆறாத புண்களை ஆற்ற \| சிராய்ப்பு புண் \| மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 2 months 2 weeks ago	வாந்தி நிற்க \| கர்ப்பகால வாந்திக்கு, குமட்டல், பித்த வாந்தி 3 months 2 weeks ago
இரத்த வாந்தி மற்றும் வயிற்று வலி குணமாக \| கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 3 months 2 weeks ago	மூட்டு வலி குணமாக 7 எளிய வீட்டு வைத்தியம் \| இடுப்பு வலி குணமாக \| தவிற்கணவேண்டிய உணவுகள் 5 months 2 weeks ago	வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் \| பழங்கள் மற்றும் உணவு முறை 5 months 2 weeks ago

சளி தொல்லையா இந்த 3 பொருளையம் கஷாயம் செய்து சாப்பிடுங்க	தொண்டை அடைப்பான் நோய்க்கு இயற்கை மருத்துவம்	இரவில் தூக்கம் வரவில்லையா?இந்த3பொருளையும் கலந்து சாப்பிடுங்க.
தினமும் இதை ஒரு வேளை மட்டும் சாப்பிடுங்க கடுமையான நரம்பு தளர்ச்சியையும் குணப்படுத்தலாம்.	நாள்பட்ட சளி மற்றும் காச நோய்க்கு தீர்வு,இந்த 3 பொருள்களையும் கஷாயம் செய்து குடிங்க.	படர்தாமரை,தோல் நோய்கள் நீங்க எளிய தீர்வு

View all comments

வாசகர் கருத்து

அரசியல்

இந்தியா

சினிமா

ஆன்மிகம்