திரையுலகின் பாராட்டு மழையில் ஜோகன் சிவனேஷ்

கடந்த வெள்ளிக் கிழமையன்று வெளியாகி திரையரங்குகளில் ஓடிக்கொண்டு இருக்கும் கிரைம் திரில்லர் படமான ராபர் படத்தில் சிறந்த இசையைக் கொடுத்துள்ள இசையமைப்பாளர் ஜோகன் சிவனேஷுவை திரையுலகிலுள்ள பலரும் பாராட்டி வருகிறார்கள். இவர் 2012 ஆம் ஆண்டு முதல் முறையாக கொள்ளைக்காரன் படத்துக்காக இசையமைத்திருந்தார் .இதை தொடர்ந்து இவர் இசையமைத்த  மெட்ரோ படம் திரையுலகில் பெரும் வரவேற்பை பெற்றுத் தந்தது, இப்படங்களை தொடர்ந்து ஆள், உரு ,அகடு  ,ஆயிரம் பொற்காசுகள் ,ஒயிட் ரோஸ் மற்றும் கப்பட்டி என்ற கன்னட படத்துக்கும் இவர் இசையமைத்துள்ளார். இந்நிலையில் இப்போது வெளியாகியுள்ள ராபர் படம் திரையுலகின் கவனத்தை ஈர்த்துள்ளது.