லவ் மேரேஜ் திரைவிமர்சனம்

மதுரை மாவட்டத்தைச் சேர்ந்த விக்ரம் பிரபுக்கு 33 வயதாகியும் திருமணமாகவில்லை. ஒருவழியாக கோவை மாவட்டத்தைச் சேர்ந்த சுஷ்மிதா பட் அவரை திருமணம் செய்துக் கொள்ள சம்மதிக்கிறார். அதன்படி, பெண் வீட்டில் நிச்சயம் நடைபெற, அன்றைய இரவு மாப்பிள்ளை குடும்பத்தார் அங்கேயே தங்க வேண்டிய சூழல் ஏற்படுகிறது.  இதற்கிடையே கொரோனா ஊரடங்கு உத்தரவு பிறப்பிக்கப்படுவதால், மேலும் சில நாட்கள் அங்கு தங்குகிறார்கள். இந்நிலையில், மணப்பென் சுஷ்மிதா வீட்டை விட்டு வெளியேறுகிறார். பிறகு என்ன நடந்தது என்பதுதான் கிளைமாக்ஸ். விக்ரம் பிரபு திருமணம் ஆகாத சோகத்துடன் வலம் வந்தாலும், அதை முகத்தில் காட்டாமல் சமாளிக்கும் காட்சிகளில் சிறப்பாக நடித்திருக்கிறார். நாயகியாக நடித்திருக்கும் சுஷ்மிதா கொடுத்த வேலையை குறையில்லாமல் செய்திருக்கிறார். நாயகியின் தங்கை மீனாட்சி தினேஷ், சத்யராஜ், ரமேஷ் திலக், கஜராஜ், அருள்தாஸ் என அனைவரும் அளவாக அருமையாக நடித்திருக்கிறார்கள். ஷான் ரோல்டனின் இசையில் பாடல்களும், பின்னணி இசையும் ரசிக்க வைக்கிறது. எழுதி இயக்கியிருக்கும் சண்முக பிரியன் காதல் கதையை, கலகலப்பான குடும்ப கதையாக இயக்கியிருக்கிறார். மொத்தத்தில், ‘லவ் மேரேஜ்’ குடும்பமாக பார்க்க கூடிய ஒரு ஜாலியான படம்.