நெல்லையில் எம்.எஸ்.விஸ்வநாதனுக்கு டாக்டர் பட்டம்

நெல்லை,ஜன.10 - நெல்லை பல்கலைகழகத்தில் நாளை பட்டமளிப்பு விழா நாளை 11ந்தேதி  நடைபெறுகிறது. இதில் பிரபல இசையமைப்பாளர் எம்.எஸ்.விஸ்வநாதனுக்கு கவுரவ டாக்டர் பட்டம் வழங்கப்படுகிறது என்று நெல்லை பல்கலைகழக துணை வேந்தர் குமரகுரு செய்தியாளர்களிடம் கூறினார்.

மேலும் இது குறித்து துணை வேந்தர் செய்தியாளர்களிடம் கூறியதாவது:-

நெல்லை மனோன்மணியம் சுந்தரானார்பல்கலைக்கழகத்தின் 20வது பட்ட மளிப்புவிழா நாளை 11ந் தேதி (வெள்ளிக்கிழமை) நடைபெறுகிறது. விழாவிற்கு தமிழக கவர்னர் ரோசய்யா தலைமை தாங்குகிறார். உயர்கல்வித்துறை அமைச்சர் பழனியப்பன் மற்றும் பாதுகாப்பு ஆராய்ச்சி மற்றும் மேம்பாட்டுக்கழக பாதுகாப்பு அமைச்சகத்தின் முதன்மைகட்டுப்பாட்டு அதிகாரியும், விஞ்ஞானியுமான சிவதாணுபிள்ளை மற்றும் முக்கிய பிரமுகர்கள் பலர் கலந்து கொள்கின்றனர். மேலும் மனோன்மணியம் சுந்தரனார் இயற்றிய தமி;ழ்தாய் வாழ்த்துப் பாடலுக்கு இசையமைத்த பிரபல இசையமைப்பாளர் எம்.எஸ்.விஸ்வநாதனுக்கு கவுரவ டாக்டர் பட்டம் வழங்கப்படுகிறது. இந்த பட்டமளிப்பு விழாவில் 482 நபர்களுக்கு பி.எச்.டி.பட்டம் வழங்கப்படுகிறது.மேலும் 1400 நர்களுக்கு எம்.பில்.,பட்டமும்,644 நபர்களுக்கு முதுகலை பட்டமும், 19 ஆயிரத்து 195 நபர்களுக்கு இளங்கலை பட்டம் என மொத்தம் 27 ஆயிரத்து 521 நபர்களுக்கு பட்டங்கள் வழங்கப்படுகின்றன.இதில்136 பேர்களுக்கு மெடல்களும், அருணா, சுபலட்சுமி, ரெபேகாமனோகரன், அருணா ராஜேஷ்ஸ்ரீ ஆகிய 4 பேருக்கு 2 மெடல்களும் வழங்கப்படுகிறது. இவ்வாறு துணைவேந்தர் குமரகுரு கூறினார். பேட்டியின் போது பல்கலை. பதிவாளர் (பொறுப்பு) கோவிந்தராஜு, தேர்வாணையர் பிரபாகர் ஆகியோர் உடனிருந்தனர்.