முக்கிய செய்திகள்
Idhayam Matrimony

ஐ.நா. கூட்டத்தில் காஷ்மீர் விவகாரத்தை எழுப்பினால் தக்க பதிலடி கொடுக்கப்படும் - பாகிஸ்தானுக்கு இந்தியத் தூதர் எச்சரிக்கை

சனிக்கிழமை, 21 செப்டம்பர் 2019      உலகம்
Image Unavailable

நியூயார்க் : ஐ.நா. பொதுச் சபையில் ஜம்மு - காஷ்மீர் விவகாரத்தை பாகிஸ்தான் எழுப்பினால், அந்நாட்டுக்கு தக்க பதிலடி கொடுக்கப்படும் என ஐ.நா.வுக்கான இந்தியாவின் நிரந்தரத் தூதர் சையது அக்பருதீன் எச்சரிக்கை விடுத்துள்ளார்.

ஐ.நா. பொதுச் சபைக் கூட்டம் நியூயார்க் நகரில் அடுத்த வாரம் தொடங்கவுள்ளது. உலக நாடுகளின் தலைவர்கள் பங்கேற்கும் இக்கூட்டத்தில், வரும் 27-ம் தேதி பிரதமர் நரேந்திர மோடி உரையாற்றவுள்ளார். அதே நாளில் பாகிஸ்தான் பிரதமர் இம்ரான் கானும் கூட்டத்தில் உரையாற்ற உள்ளார். அப்போது, ஜம்மு-காஷ்மீருக்கு சிறப்பு அந்தஸ்து நீக்கப்பட்ட விவகாரம் தொடர்பாக பாகிஸ்தான் பிரதமர் இம்ரான் கான் பேசுவார் என அந்நாட்டு வெளியுறவு அமைச்சர் ஷா முகமது குரேஷி அண்மையில் தெரிவித்திருந்தார்.

இது தொடர்பாக, சையது அக்பருதீனிடம் நியூயார்க்கில் செய்தியாளர்கள் கேள்வி எழுப்பினர். இதற்கு அவர் பதிலளித்ததாவது:-

சர்வதேச விவகாரங்கள் தொடர்பாக ஒவ்வொரு நாடும் வெவ்வேறு அணுகுமுறைகளைக் கொண்டுள்ளன. சில நாடுகள் சில விவகாரங்களில் மிகவும் கீழ்த்தரமாக நடந்துகொள்ளலாம். ஜம்மு - காஷ்மீர் விவகாரத்தில், இந்தியாவின் நிலைப்பாட்டை ஏற்கெனவே தெரிவித்து விட்டோம். ஆனால், குறிப்பிட்ட நாடு (பாகிஸ்தான்) இந்த விவகாரத்தை ஐ.நா. பொதுச் சபைக் கூட்டத்தில் எழுப்ப முயற்சிக்கிறது. அந்த நாடு கீழ்த்தரமாக நடந்து கொண்டால், அதற்குத் தகுந்த பதிலடி கொடுக்கப்படும். அந்நாடு தனது அணுகுமுறையை கடைப்பிடிக்கிறது. அந்த அணுகுமுறை நீண்ட நாள்களுக்குச் செல்லுபடியாகாது. இதுவரை, பயங்கரவாதத்தை ஆதரிக்கும் நாடாகவே அந்நாடு அறியப்பட்டு வருகிறது. ஜம்மு-காஷ்மீர் விவகாரத்தை ஐ.நா. பொதுச் சபையில் எழுப்பினால், இனி வெறுக்கத்தக்க பேச்சுகளுக்கு சொந்தமான நாடாகவும் அது அறியப்படும்.
ஐ.நா. பொதுச் சபைக் கூட்டத்தில் பங்கேற்கும் பிரதமர் மோடி, பல்வேறு நாடுகளின் தலைவர்களைச் சந்தித்துப் பேசவுள்ளார். அப்போது, பல நாடுகளுடன் இருதரப்பு ஒப்பந்தங்கள் கையெழுத்தாக உள்ளன. இதுவே அந்நாட்டுக்கு (பாகிஸ்தான்) பதிலடியாக இருக்கும் என்றார் சையது அக்பருதீன்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.