புதிய வரி விதிப்பின்றி பட்ஜெட் தாக்கலாகும்: மத்திய நிதி அமைச்சர் நிர்மலா சீதாராமன் தகவல்

புதுடெல்லி, மத்திய நிதியமைச்சர் நிர்மலா சீதாராமன், பிப்.1, 2024-ல் சமர்ப்பிக்கப்படும் நிதிநிலை அறிக்கையில் எந்தவித அறிவிப்பும் இருக்காது, மே மாதத்தில் நடைபெறவிருக்கும் பொதுத் தேர்தலை முன்னிட்டு நிதிநிலை அறிக்கை தாக்கல் செய்யப்படும் எனத் தெரிவித்துள்ளார்.

டில்லியில் நடந்த சிஐஐ சர்வதேச பொருளாதார மாநாட்டில் நிர்மலா சீதாராமன் பேசியதாவது: தேர்தல் நடைபெற உள்ளதால் 2024 பிப்.,1ல் பட்ஜெட், புதிய வரி விதிப்பின்றி அறிவிக்கப்படும். அதில், அடுத்த ஆட்சி அமையவிருக்கும் அரசு எதிர்கொள்ளவிருக்கும் செலவினங்கள் மட்டுமே பட்டியல் இடப்படும். 2024ல் நடைபெற உள்ள தேர்தலை நாடு எதிர்நோக்கி உள்ளது. 2024 -25 நிதி நிலை அறிக்கையில் வேறு எந்தவித புதிய அறிவிப்பும் வெளியாகாது. இதனால், ஆச்சர்யமூட்டும் அறிவிப்புகள் எதுவும் வெளியாகாது. புதிய அரசு அமையும் வரை நீங்கள் காத்திருக்க வேண்டும். இவ்வாறு நிர்மலா சீதாராமன் பேசினார்.

ஒவ்வொரு ஆண்டும் இடைக்கால நிதிநிலை அறிக்கையை நாட்டின் நிதியமைச்சர் பிப்.1 பாராளுமன்றத்தில் சமர்பிப்பதும் விவாதங்கள் மற்றும் அவையின் ஏற்புக்குப் பிறகு ஏப்.1 முதல் அமலுக்கு வருவதும் வழக்கம். இந்த அறிக்கையில், தேர்தல் வருகிற ஆண்டு என்பதால் புதிய வரி விதிப்புகள், செலவுத்திட்டங்கள் இடம்பெறாது.