காங்கிரஸ் கட்சியுடனான கூட்டணி தொடர்கிறது: அகிலேஷ் யாதவ்

எடாவா, காங்கிரஸ் கட்சியுடனான சமாஜ்வாடி கட்சியின் உறவு தொடர்கிறது என்று அக்கட்சியின் தலைவர் அகிலேஷ் யாதவ் தெரிவித்துள்ளார்.  

சமாஜ்வாடி கட்சியின் நிறுவனரும், தனது தந்தையுமான முலாயம் சிங் யாதவின் நினைவுநாளில் எடாவாவில் உள்ள அவரது நினைவிடத்தில் அகிலேஷ் யாதவ் மரியாதை செலுத்தினார். அதை தொடர்ந்து அகிலேஷ் யாதவ் செய்தியாளர்களிடம் பேசினார். 

அப்போது அவரிடம் இடைத்தேர்தலுக்கான தொகுதிப் பங்கீடு குறித்து கேள்வி கேட்கப்பட்டது. அதற்கு பதில் அளித்த அகிலேஷ், இண்டியா கூட்டணி இங்கே இருக்கிறது என்பதை மட்டும் நான் சொல்ல விரும்புகிறேன். சமாஜ்வாடி கட்சி மற்றும் காங்கிரஸ் உறவு இன்னும் தொடர்கிறது. இது அரசியல் பேசுவதற்கான நேரம் இல்லை என்ற கூறினார். 

தொடர்ந்து அரியானா தேர்தல் முடிவுகள் குறித்த அகிலேஷின் கருத்து குறித்து கேட்ட போது அவர், நாங்கள் மீண்டும் சந்திக்கும் போது அதுகுறித்து விவாதிப்போம் என்று தெரிவித்தார்.