Idhayam Matrimony

‘ஓரணியில் தமிழ்நாடு’ முகாம்: தி.மு.க. இடையீட்டு மனுவுக்கு ஐகோர்ட் மதுரை கிளை அனுமதி

செவ்வாய்க்கிழமை, 22 ஜூலை 2025      தமிழகம்
Mdu-High-Court 2023-04-06

மதுரை, தி.மு.க.வின் 'ஓரணியில் தமிழ்நாடு' முகாமில் ஓடிபி எண் பெற தடை விதிக்கப்பட்டுள்ள நிலையில்,  தடையை விலக்க கோரி இடையீட்டு மனு தாக்கல் செய்ய தி.மு.க.வுக்கு நீதிபதிகள் அனுமதி வழங்கினர்.

தமிழகம் முழுவதும் தி.மு.க.வினர் நடத்தி வரும் ‘ஓரணியில் தமிழ்நாடு’ என்ற உறுப்பினர் சேர்க்கை முகாமில் பொது மக்களிடம் ஓடிபி எண் பெற உயர் நீதிமன்ற மதுரை அமர்வு நேற்று தடை விதித்தது.

இந்த நிலையில், தி.மு.க. தகவல் தொழில்நுட்பப் பிரிவு மற்றும் ஓரணியில் தமிழ்நாடு நிகழ்வின் ஒருங்கிணைப்பாளர் சார்பில் மூத்த வழக்கறிஞர் வில்சன் நேற்று நீதிபதிகள் எஸ்.எம்.சுப்பிரமணியம், ஏ.டி.மரிய கிளாட் அமர்வு முன்பு அஜரானார்.

அப்போது அவர் நீதிபதிகளிடம், “பொதுமக்களிடம் தி.மு.க.வின் ‘ஓரணியில் தமிழ்நாடு’ முகாமில் ஆதார் விவரங்கள் எதையும் வாங்கவில்லை. அ.தி.மு.க. தரப்பில் ஆதார் எண்ணை பயன்படுத்தி ஓடிபி பெறுவதாக தவறான தகவலை நீதிமன்றத்தில் தெரிவித்து இடைக்கால உத்தரவு பெற்றுள்ளனர். தேர்தல் ஆணையத்தால் வெளியிடப்பட்ட வாக்காளர் பட்டியல் அடிப்படையிலேயே உறுப்பினர்களை சேர்க்கிறோம். உறுப்பினர் சேர்க்கை சம்மதம் பெறுவதற்காகவே ஓடிபி பெறப்பட்டது. வேறு எந்த ஆவணத்தையும் யாரிடமும் வாங்கவில்லை. தவறான தகவலை அளித்து வழக்கு தாக்கல் செய்துள்ளனர்.

உயர் நீதிமன்ற தடையால் தற்போது உறுப்பினர் சேர்க்கை பணி மொத்தமாக நிறுத்தப்பட்டுள்ளது. எனவே தி.மு.க. கோரிக்கையை அவசர வழக்காக விசாரித்து இடைக்கால தடையை விலக்க வேண்டும்,” என்றார். அதற்கு நீதிபதிகள், தி.மு.க. கோரிக்கை தொடர்பாக இடையீட்டு மனு தாக்கல் செய்யவும், நாளைக்கு விசாரணைக்கு எடுக்கிறோம் எனத் தெரிவித்தனர்

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 3 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 3 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.