கொல்லப்பட்ட இந்திய மாணவரது உடல் ஒப்படைப்பு

லண்டன், ஜன.6 - இந்தியாவின் புனேயை சேர்ந்த அனுஜ் பிட்வே. இவர் இங்கிலாந்தில் உள்ள லான்கேஸ்டர் பல்கலைக் கழகத்தில் மைக்ரோ எலக்ட்ரானிக் முதுநிலை படிப்பு படித்து வந்தார். கடந்த 26 ம் தேதி மான்செஸ்டருக்கு நண்பர்களுடன் சுற்றுலா சென்ற போது மர்ம ஆசாமிகளால் சுட்டுக் கொல்லப்பட்டார். இது தொடர்பாக இங்கிலாந்தை சேர்ந்த ஸ்டேப்லெடான் என்ற 20 வயது வாலிபரை போலீசார் கைது செய்தனர். இந்நிலையில் அனுஜ்பிட்வேயின் பெற்றோர் இந்தியாவில் இருந்து லண்டன் வந்தனர். அனுஜின் தந்தை சுபாஸ், தாய், மாமா ஆகியோர் இங்கிலாந்து உள்துறை அமைச்சக விவகார தலைவர் எம்.பி. கீத்வாசை சந்தித்து பேசினர். இதற்கிடையில் அனுஜின் உடல் இருமுறை பிரேத பரிசோதனை செய்யப்பட்டு பெற்றோரிடம் ஒப்படைக்கப்பட்டது. இதையடுத்து அனுஜின் உடலை இன்று இந்தியா கொண்டு வருவதற்கான ஏற்பாடுகள் நடந்து வருகிறது.