செய்முறை ;

1. கொத்தமல்லியை கழுவி சுத்தம் செய்து பொடியாக நறுக்கி வைத்துக்கொள்ளவும்.
2. ஒரு உருளைகிழங்கை அவித்து தோல் உரித்து வைத்துக்கொள்ளவும்.
3. மிக்சி ஜாரில் முந்திரிப்பருப்பு 50கிராம் மற்றும் தேவையான அளவு தண்ணீர் ஊற்றி நன்றாக அரைத்து வைத்துக் கொள்ளவும்.
4. ஒரு பாத்திரத்தில் பன்னிர் 10 கிராம், சோள மாவு 1 ஸ்பூன், மைதா  1 ஸ்பூன்,அவித்த உருளை கிழங்கு ஒன்று, நெய் 1 ஸ்பூன், வெண்ணெய் 1 ஸ்பூன், சர்க்கரை 1 ஸ்பூன்,உப்பு - தேவையான அளவு போட்டு நன்றாக மசித்து பின்னர் சிறு சிறு உருண்டையாக உருட்டி வைத்துக்கொள்ளவும்.
5. அடுப்பில் கடாய் வைத்து ரீபைன்ட் ஆயில் 2 ஸ்பூன் ஊற்றவும்.
6. எண்ணெய் சூடானவுடன் உருண்டையாக உருட்டி வைத்தவற்றை, ஒவ்வொன்றாக எண்ணெயில் போட்டு வறுக்கவும்.
7. திருப்பி போட்டு நன்றாக வறுக்கவும். நன்றாக பொரிந்து விட்டது, எடுத்து விடலாம்.
8. அடுப்பில் கடாய் வைத்து ரீபைன்ட் ஆயில் 3 ஸ்பூன் ஊற்றவும்.
9. எண்ணெய் சூடானவுடன் பொடியாக நறுக்கிய பூண்டு 1 ஸ்பூன் போட்டு நன்கு வதக்கவும்.
10. 5 முந்திரிப்பருப்பை போட்டு வதக்கவும்.
11. மிக்சி ஜாரில் அரைத்து வைத்த முந்திரிப்பருப்பு விழுது 2 ஸ்பூன் போட்டு, தேவையான அளவு தண்ணீர் ஊற்றி,சிறிதளவு உப்பு போட்டு 2 நிமிடம் கலந்து விடவும்.
12. இதனுடன் சர்க்கரை 1 ஸ்பூன், நெய் 1 ஸ்பூன்,வெண்ணெய் சிறிதளவு போட்டு கலந்து விடவும்.
13. சீரகத்தூள் 1/4 ஸ்பூன்,மல்லி தூள் 1/4 ஸ்பூன், மற்றும் பொரித்து வைத்துள்ள கோப்தா உருண்டை களை போட்டு 2 நிமிடம் கலந்து விடவும்.
14. அடுப்பில் இருந்து இறக்கி வேறு ஒரு தட்டில் எடுத்துக்கொள்ளவும்.
15. சிறிதளவு அமுல் குக்கிங் கிரீம் ஊற்றி,சிறிதளவு வெண்ணெய்யை வைத்து பொடியாக நறுக்கிய கொத்தமல்லியை தூவி விடவும். 
16. சுவையான மலாய் கோப்தா கறி ரெடி.