ஆகஸ்ட் 2-ல் யு.பி.எஸ்.சி. சிவில் சர்வீஸ் நேர்முகத் தேர்வு துவக்கம்

புதுடெல்லி : யு.பி.எஸ்.சி. சிவில் சர்வீஸின் 2020-க்கான நேர்முகத் தேர்வு வருகின்ற ஆகஸ்ட் 2-ம் தேதி முதல் மீண்டும் தொடங்கும் என அறிவிப்பு வெளியாகியுள்ளது. 

கடந்தாண்டு ஏப்ரல் மாதம் தொடங்கப்பட்ட யு.பி.எஸ்.சி. நேர்முகத் தேர்வு கொரோனா பரவல் காரணமாக தற்காலிகமாக ஒத்திவைக்கப்பட்டது. இந்நிலையில், மீண்டும் ஆகஸ்ட் 2-ஆம் தேதி முதல் தொடங்கப்படும் எனவும், இதற்கான அழைப்பு upsc.gov.in, upsconline.in ஆகிய இணையதளங்களில் விரைவில் பதிவேற்றப்படும் என யு.பி.எஸ்.சி. நிர்வாகம் அறிவித்துள்ளது.

வரும் 27-ம் தேதி நடைபெறவிருந்த யு.பி.எஸ்.சி. முதல்நிலை தேர்வுகள் அக்டோபர் 21-க்கு ஒத்திவைக்கப்பட்ட நிலையில், நேர்முகத் தேர்வுக்கான அறிவிப்பு வெளியிடப்பட்டுள்ளது.