முக்கிய செய்திகள்
Idhayam Matrimony

பா.ஜ.க. ஆட்சியில் வேளாண் பட்ஜெட் 5 மடங்கு அதிகரிப்பு: மத்திய அமைச்சர் அமித்ஷா பெருமிதம்

திங்கட்கிழமை, 20 மே 2024      இந்தியா
amit-shah 1

சண்டிகர், பா.ஜ., ஆட்சியில் வேளாண் பட்ஜெட் 5 மடங்கு அதிகரித்துள்ளது என மத்திய உள்துறை அமைச்சர் அமித்ஷா தெரிவித்துள்ளார்.

ஹரியானா மாநிலம் கர்னால் மாவட்டத்தில் நடந்த தேர்தல் பேரணியில் அமித்ஷா பேசியதாவது: 

கடந்த 10 ஆண்டுகளில் ஹரியானா மாநிலத்தில் வளர்ச்சியை உருவாக்க பா.ஜ., பல்வேறு நடவடிக்கைகள் எடுத்துள்ளது. முந்தைய காலங்களில், ஹரியானா மாநிலத்தில் மோதல் அதிகம் நடந்தது. ஊழலையும், குடும்ப அரசியலையும் ஒழித்தோம்.

காங்கிரஸ் ஆட்சியில் ஹரியானா மாநில வளர்ச்சிக்காக ரூ.41 ஆயிரம் கோடி மட்டும் ஒதுக்கப்பட்டது. பா.ஜ., ஆட்சியில் ரூ.2 லட்சத்து 70 ஆயிரம் கோடி ஒதுக்கப்பட்டுள்ளது. மோடியால் மட்டுமே நாட்டை முழு வளர்ச்சியடைந்து, தன்னிறைவு பெற்ற, பாதுகாப்பான, வளமான, கல்வி மற்றும் தொழில்நுட்பம் கொண்டதாக மாற்ற முடியும்.

பிரதமர் மோடியுடன் நான் பல ஆண்டுகளாக பணியாற்றி வருகிறேன். அவர் குஜராத்தில் இருந்தபோது, ஹரியானாவைப் பற்றி கவலைப்பட்டார். இப்போது அவர் டெல்லியில் இருக்கும்போது, ஹரியானா மாநிலம் மீது தனிப்பற்றும் அன்பும் வைத்துள்ளார்.

காங்கிரஸ் ஆட்சியில் வேளாண் பட்ஜெட் ரூ.22,000 கோடியாக இருந்தது. ஆனால் 10 ஆண்டுகளில் பா.ஜ., ஆட்சியில் ரூ.22,000 கோடியிலிருந்து ரூ.1,25,000 கோடியாக உயர்த்தப்பட்டுள்ளது. வேளாண் பட்ஜெட் 5 மடங்கு அதிகரித்துள்ளது. இவ்வாறு அவர் பேசினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து