ஜாபர் சாதிக் சகோதரருக்கு அமலாக்கத்துறை சம்மன்

சென்னை, போதைப் பொருள் கடத்தல் வழக்கில் கைது செய்யப்ட்ட ஜாபர் சாதிக் வழக்கில் அவரது சகோதரரும், துணை நடிகருமான மைதீனுக்கு அமலாக்கத்துறை சம்மன் அனுப்பியுள்ளது.

கடந்த 3 ஆண்டுகளாக போதைப் பொருள் கடத்திய வழக்கில் சினிமா பட தயாரிப்பாளர் ஜாபா் சாதிக்கை போதைப் பொருள் தடுப்புத் துறையினர் கடந்த மார்ச் 9 ஆம் தேதி தில்லியில் வைத்து கைது செய்தனர். இதைத் தொடர்ந்து ஜாபர் சாத்திக்கின் கூட்டாளிகளையும் போலீஸார் கைது செய்தனர். போதைப் பொருள் கடத்தல் வழக்கில் ஜாபர் சாதிக்கை 3 நாள் காவலில் எடுத்து அமலாக்கத்துறை விசாரித்து வருகின்றனர்.

முன்னதாக போதைப்பொருள் வழக்கில் ஜாபர் சாதிக்கின் மனைவியிடம் அமலாக்கத்துறை விசாரணை செய்தது. இந்த நிலையில் ஜாபர் சாதிக்கின் சகோதரரும் துணை நடிகருமான மைதீனுக்கு அமலாக்கத்துறை நேற்று சம்மன் அனுப்பியுள்ளது.