புது டெல்லி,நவ. 20- விமான எரிபொருள் விலை கடுமையாக உயர்ந்ததையடுத்து விமான கட்டணம் 25 சதவீதம் உயர்கிறது. கிங்பிஷர், ஜெட் ஏர்வேஸ் உட்பட 5 விமான நிறுவனங்கள் ஜூலை - செப்டம்பர் மாதங்களில் மட்டுமே ரூ. 2,500 கோடிக்கு மேல் இழப்பை சந்தித்துள்ளன. இதனால் தனியார் விமான நிறுவனங்கள் திணறியபடி உள்ளன. கிங்பிஷர் நிறுவனம் தனது விமான சேவையை பாதியாக குறைத்து கொண்டது. வங்கிகள் 400 கோடி கடன் கொடுத்தால்தான் விமான நிறுவனத்தை நடத்த முடியும் என்ற சூழ்நிலைக்கு கிங்பிஷர் தள்ளப்பட்டுள்ளது. வருவாய் இழப்பை சரிக்கட்ட கட்டணத்தை உயர்த்துவதை தவிர வேறு வழியில்லை என்ற முடிவுக்கு விமான நிறுவனங்கள் வந்துள்ளன. சுமார் 25 சதவீத கட்டண உயர்வு அமல்படுத்தப்படும் என்று தெரிகிறது. அடுத்த(டிசம்பர்) மாதம் முதல் இந்த கட்டண உயர்வு அமல்படுத்தவுள்ளது. இதை மத்திய விமான போக்குவரத்து துறை கவனித்து வருகிறது.
