அடுத்த வாரம் வெளியாகும் பிளாக்மெயில்

மு. மாறன் இயக்கத்தில், ஜெ.டி.எஸ் ஃபிலிம் ஃபேக்டரி பேனரில் ஜெயக்கொடி அமல்ராஜ் தயாரிப்பில், ஜிவி பிரகாஷ்குமார் நடித்துள்ள ‘பிளாக்மெயில்’ திரைப்படம் அடுத்தவாரம் (செப்டம்பர் 12) வெளியாகிறது. இதனை ஒட்டி சென்னையில் பத்திரிக்கையாளர் சந்திப்பு நடைபெற்றது. அதில் கலந்து கொண்டு இயக்குநர் சசி பேசுகையில், பிளாக்மெயில் படத்தின் கதையை ஜி.வி என்னிடம் சொன்னபோது ரொம்பவே ஆர்வமாக இருந்தது. இந்தப் படம் மாறனுக்கு மட்டுமல்ல, படக்குழுவினர் அனைவருக்குமே வெற்றியாக அமையும் என்றார். பின்னர் ஜிவி பிரகாஷ் பேசுகையில், உங்களை கட்டிப்போடும் த்ரில்லராக இந்த படம் இருக்கும். இடைவேளைக்கு முன்பு வரும் 40 நிமிடங்கள் நிச்சயம் உங்களுக்கு பிடிக்கும். படம் பார்த்துவிட்டு சொல்லுங்கள் என்றார்.