அஞ்சலி, எஸ்பிபி சரண் நடிக்கும் பால்

நடிகை அஞ்சலி, எஸ்பிபி சரண், சோனியா அகர்வால், சந்தோஷ் பிரதாப், நமிதா கிருஷ்ணமூர்த்தி, தலைவாசல் விஜய் பூர்ணிமா பாக்யராஜ் உள்ளிட்ட பலர் நடிப்பில் உருவாகியுள்ள வெப் தொடர் ஃபால். டிஸ்னி+ ஹாட்ஸ்டாரில் வெளியாவுள்ள இந்த தொடரை ஒளிப்பதிவு செய்து இயக்கி இருக்கிறார் இயக்குநர் சித்தார்த் ராமசாமி. இந்த ‘ஃபால்’ தொடர் ITV company நிறுவனமான Armoza Formats விநியோகம் செய்த, Productions Pixcom Inc நிறுவனத்தால் தயாரிக்கப்பட்டு, மைக்கேல் ஆலன் எழுத்தில், விருது பெற்ற வெர்டிஜ் எனும் கனடிய வெப் சீரிஸின் அதிகாரப்பூர்வ ரீமேக்காகும். திவ்யா என்ற இளம் பெண்ணிற்கு தான் தற்கொலைக்கு முயன்ற 24 மணி நேர சம்பவங்கள் மட்டுமே ஞாபகத்தில் உள்ளது. அதே நேரம் யாரையும் நம்ப முடியாத சூழ்நிலையில் இருக்கும் அவள், உண்மையில் என்ன நடந்தது என்பதைச் சொல்லுகிறது இந்த ஃபால் வெப் சீரிஸ்.