துணிவு பட நடிகர் ரிதுராஜ் சிங் மாரடைப்பால் காலமானார்

மும்பை : துணிவு பட நடிகர் ரிதுராஜ் சிங் (59) மாரடைப்பால் காலமானார். கணைய பாதிப்புக்கு சிகிச்சை பெற்று வீடு திரும்பிய நிலையில் மாரடைப்பால் அவர் உயிரிழந்தார். 

தொலைக்காட்சி மற்றும் திரைப்படங்களில் தனி நடிப்பாற்றலால் ஈர்க்கப்பட்ட அவர் நேற்று முன்தினம் இரவு மாரடைப்பால் இறந்தார். அவரது மறைவுக்கு திரையுலகினர் பலரும் இரங்கல் தெரிவித்துள்ளனர்.  

அப்னி பாத், ஜோதி, ஹிட்லர் திதி, ஷாபட், வாரியர் ஹை, அஹத், அதாலத், தியா அவுர் பாத்தி போன்ற பல தொலைக்காட்சி நிகழ்ச்சிகளிலும் திரைப்படங்களிலும் ரிதுராஜ் சிங் நடித்துள்ளார்.  

இவர் தமிழில் அஜித் நடிப்பில் கடந்த ஆண்டு வெளியான துணிவு படத்தில் நடித்துள்ளார். அந்தப் படத்தில் பிரபல நிதி நிறுவன அதிகாரி கதாபாத்திரத்தில் ரிதுராஜ் சிங் நடித்துள்ளது குறிப்பிடத்தக்கது.