முக்கிய செய்திகள்
Idhayam Matrimony

நட்சத்திர ஓட்டல்களில் ஆபாச நடனத்துக்கு தடை

செவ்வாய்க்கிழமை, 24 டிசம்பர் 2013      தமிழகம்
Image Unavailable

 

சென்னை, டிச.25 - 2014 புத்தாண்டை வரவேற்று, கோலாகலமாக கொண்டாட சென்னை நகர மக்கள் இப்போதே தயாராகி வருகிறார்கள். வழக்கமான ஆட்டம், பாட்டம், கொண்டாட்டங்களுக்கு சென்னையில் குறைவிருக்காது. பாதுகாப்பு ஏற்பாடுகள் குறித்து போலீஸ் கமிஷனர் ஜார்ஜ் ஆலோசனை நடத்தி வருகிறார். 

முதல் கட்டமாக நட்சத்திர ஓட்டல்களில் புத்தாண்டு கொண்டாட்டங்களை எந்த அளவுக்கு அனுமதிக்கலாம் என்பது குறித்து, சென்னை போலீஸ் கமிஷனர் அலுவலகத்தில் நேற்று மாலை ஆலோசனைக்கூட்டம் நடந்தது. இந்த கூட்டத்திற்கு கூடுதல் போலீஸ் கமிஷனர் ராஜேஸ்தாஸ், இணை கமிஷனர் சண்முகவேல் ஆகியோர் தலைமை தாங்கினார்கள். 

சென்னையில் உள்ள சுமார் 70 நட்சத்திர ஓட்டல்களின் மானேஜர்களும் இந்த கூட்டத்தில் கலந்து கொண்டனர். இந்த கூட்டத்தில் புத்தாண்டு கொண்டாட்டத்தின் போது, நட்சத்திர ஓட்டல்களில் கடைபிடிக்க வேண்டிய விதிமுறைகள் குறித்து முக்கிய முடிவுகள் எடுக்கப்பட்டன. 

அந்த முடிவுகள் வருமாறு:_ 

ழூ சென்னையில் உள்ள நட்சத்திர ஓட்டல்களில் புத்தாண்டு கொண்டாட்டங்கள், நடனம் மற்றும் மது விருந்து நிகழ்ச்சிகளை நள்ளிரவு 12 மணி முதல், 1 மணி வரை நடத்தலாம். 24 மணி நேர கொண்டாட்டங்களுக்கு விசேஷ அனுமதி பெற்ற ஓட்டல்கள் இதிலிருந்து விதிவிலக்கு பெறும். 

ழூ நடன நிகழ்ச்சி அரங்கம் நிரந்தர கட்டிடத்தில் இருக்க வேண்டும். தற்காலிக மேடைக்கு அனுமதி இல்லை. நடன நிகழ்ச்சி அரங்கத்திற்கு அருகில் மது அருந்தும் பார் இருக்கக் கூடாது. மது அருந்தும் பார் தனியாக இருக்க வேண்டும். 

ழூ நடன நிகழ்ச்சிகளில் எல்லை மீறல் இருக்கக் கூடாது. முத்தம் கொடுத்தல் மற்றும் அரைகுறை ஆடை அணிந்த குத்தாட்டம் போன்ற ஆபாச நடனத்தை அனுமதிக்கக்கூடாது. நடன நிகழ்ச்சி இசை நிகழ்ச்சியில், அதிக சத்தம் எழுப்ப அனுமதிக்க கூடாது. 

ழூ மது விருந்தில் அதிகமாக மது அருந்த அனுமதிக்கக் கூடாது. போதையில் இருப்பவர்களை வாகனம் ஓட்ட அனுமதிக்க கூடாது. ஓட்டல் நிர்வாகத்தினர் போதையில் இருப்பவர்களை காரில் அழைத்துச் சென்று வீட்டில் பாதுகாப்பாக விட வேண்டும். பெண்களுக்கு உரிய பாதுகாப்பு உறுதி செய்யப்பட வேண்டும். 

ழூ புத்தாண்டு விழா நடக்கும் நட்சத்திர ஓட்டல்களில், 31_ந் தேதி மாலை 6 மணி முதல் நீச்சல் குளத்தை மூடிவிடவேண்டும். மறுநாள்தான் நீச்சல் குளத்தை திறக்க வேண்டும். 

ழூ விருந்து நிகழ்ச்சியில் கலந்து கொள்ளும் வெளி நாட்டவர் பற்றிய விவரங்களை முன் கூட்டியே போலீசில் தெரிவிக்க வேண்டும். வெளிநாட்டவரின் விசா பற்றிய நகல்களையும் போலீசில் ஒப்படைக்க வேண்டும். 

ழூ மது விருந்து, நடன நிகழ்ச்சி அரங்கங்களில் கண்காணிப்பு கேமரா பொருத்தி இருக்க வேண்டும். நிகழ்ச்சி காட்சிகளை, கண்காணிப்பு கேமரா மூலம் பதிவு செய்ய வேண்டும்.

நட்சத்திர ஓட்டல்களில் நிகழ்ச்சி ஏற்பாடுகளை போலீசார் முன் கூட்டியே பார்வையிட்டு, சோதனை நடத்திட ஓட்டல் நிர்வாகத்தினர் அனுமதிக்க வேண்டும். நிகழ்ச்சி நடக்கும்போது, போலீசார் வெளியில் பாதுகாப்புக்கு இருப்பார்கள். இவ்வாறு அதிரடி முடிவுகள் எடுக்கப்பட்டன. இந்த முடிவுகளை ஏற்றுக்கொள்வதாக, கூட்டத்தில் கலந்து கொண்ட நட்சத்திர ஓட்டல் மானேஜர்கள் நிருபர்களிடம் தெரிவித்தனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 10 months 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 10 months 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 11 months 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 11 months 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 1 month ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 1 month ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.