பிரெஞ்ச் ஓபன் டென்னிஸ்: கலப்பு இரட்டையர் பிரிவில் போபண்ணா ஜோடி சாம்பியன்

பாரீஸ், பிரெஞ்ச் ஓபன் டென்னிஸ் போட்டியின் கலப்பு இரட்டையர் பிரிவில் இந்தியாவின் ரோகன் போபண்ணா, கனடா வீராங்கனை கேப்ரியலா டாப்ரோவ்ஸ்கி கூட்டணி சாம்பியன் பட்டம் வென்றுள்ளது.

கலப்பு இரட்டையர்

கிராண்ட்ஸ்லாம் போட்டிகளில் ஒன்றான பிரெஞ்ச் ஓபன் டென்னிஸ் திருவிழா பாரீஸ் நகரில் நடந்து வருகிறது. கலப்பு இரட்டையர் பிரிவில் இந்தியாவின் ரோகன் போபண்ணா, கனடா வீராங்கனை கேப்ரியலா டாப்ரோவ்ஸ்கி கூட்டணி சாம்பியன் பட்டம் வென்றுள்ளது. முன்னதாக, 7-5, 6-3 என்ற நேர் செட்டில் ஹவக்கோவா (செக்குடியரசு)- ரோஜர் வாசெலின் (பிரான்ஸ்) இணையை வீழ்த்தி போபண்ணா ஜோடி இறுதிப்போட்டிக்கு தகுதி பெற்றது.

அபார வெற்றி

இந்நிலையில், இறுதிப் போட்டியில், போபண்ணா ஜோடி, ராபர்ட் பாரா (கொலம்பியா), அன்னலெனா குரோனிபெல்டு (ஜெர்மனி) இணையை எதிர் கொண்டது. மிகவும் பரபரப்பாக நடைபெற்ற இந்த போட்டியில் போபண்ணா ஜோடி முதல் சுற்றினை 2-6 என்ற கணக்கில் பரிகொடுத்தது. இருப்பினும் பின்னர் தனது அபாரமான ஆட்டத்தால் இந்த ஜோடி அந்த இரண்டு  சுற்றுகளை 6-2, 12-10 என்ற செட் கணக்கில் கைப்பற்றி, வெற்றியை உறுதி செய்தது.

இந்த வெற்றியின் மூலம் போபண்ணா தனது முதல் கிராண்ட் சிலாம் பட்டத்தை வென்றுள்ளார் என்பது குறிப்பிடத்தக்கது.