காங்கிரஸ் கலாச்சாரம் இல்லாத நாடுதான் வேண்டும்: அமித்ஷா

திங்கட்கிழமை, 11 ஜூன் 2018      அரசியல்
Amit Shah 2017 07 01

நாக்பூர், நாங்கள் காங்கிரஸ் கலாச்சாரம் இல்லாத நாடுதான் வேண்டும் என்றுதான் விரும்புகிறோம் என்று பா.ஜ.க. தேசிய தலைவர் அமித்ஷா தெரிவித்துள்ளார்.

பா.ஜ.க தேசியத் தலைவர் அமித் ஷா 2 நாள் பயணமாக சத்தீஷ்கர் மாநிலத்துக்குச் சென்றுள்ளார். அங்குள்ள அம்பிகாபூர் நகரில் நிருபர்களுக்கு பேட்டி அளித்தார். அப்போது அவர் கூறியதாவது,

நாங்கள் காங்கிரஸ் இல்லாத நாடு என்று ஒருபோதும் கூறவில்லை. காங்கிரஸ் கலாச்சாரம் இல்லாத நாடுதான் வேண்டும் என்றுதான் விரும்புகிறோம். எதிர்க்கட்சிகள் இல்லாத நாட்டை நாங்கள் விரும்பவில்லை. ஜனநாயகத்தில் எதிர்க்கட்சிகள் இல்லாமல் எதுவும் சாத்தியமில்லை. ஆனால், காங்கிரஸ் கட்சியை உயிர்ப்புடன் வைத்திருக்க வேண்டியது என்னுடைய பொறுப்பு இல்லை. இது ராகுல் காந்தியின் பொறுப்பாகும்.

பெட்ரோல், டீசல் விலை உயர்வு குறித்து மத்திய அரசு தீவிரமாக ஆய்வு செய்து வருகிறது, கடந்த 12 நாட்களாக விலை குறைந்துள்ளது, டீசல் விலை உயர்வு குறித்து அரசு அதிக கவனமும், அதேசமயம், கவலையும் அடைந்து இருக்கிறது. கடந்த 4 ஆண்டுகளில் எத்தனைத் தீவிரவாதிகள் கொல்லப்பட்டுள்ளனர் என்ற பட்டியலை காங்கிரஸ் கட்சி முதலில் அளிக்க வேண்டும். மக்களின் மனதில் எந்தவிதமான குழப்பமும் இல்லை. எல்லைப்பகுதிகள் பாதுகாப்பாக இருக்கின்றன. இவ்வாறு அவர் கூறினார்.

Tata Harrier 2019 SUV Full Review | In Depth Review - Pros & Cons | Thinaboomi

FIR முதல் தகவல் அறிக்கை பதிவு செய்வது எப்படி | How to file FIR | Indian Law | Thinaboomi

இதை ஷேர் செய்திடுங்கள்:

View all comments

வாசகர் கருத்து