புளோரிடாவில் பயிற்சி விமானங்கள் விபத்து: இந்திய பெண் உள்பட 3 பேர் பலி

வாஷிங்டன் : அமெரிக்காவில் பயிற்சி விமானம் விபத்துக்கு உள்ளானதில் இந்திய பெண் உள்பட 3 பேர் பரிதாபமாக உயிரிழந்தனர்.

நேருக்கு நேர்...

அமெரிக்காவின் புளோரிடா மாகாணத்தில் உள்ள மியாமியில் விமானப்படை பயிற்சி மையம் உள்ளது. பயிற்சி விமானங்களில் சிலர் பயிற்சி செய்து கொண்டிருந்தனர். அப்போது பயிற்சியில் ஈடுபட்ட விமானங்கள் ஒன்றுக்கொன்று நேருக்கு நேர் மோதிக் கொண்டன. இந்த விபத்தில் இந்திய பெண் உள்பட 3 பேர் சம்பவ இடத்திலேயே பரிதாபமாக உயிரிழந்தனர்.

இந்திய வம்சாவளி...

தகவலறிந்து மீட்பு படையினர் அங்கு விரைந்து சென்று மீட்பு பணிகளில் ஈடுபட்டனர். விசாரணையில் பலியான மூவரும் இந்திய வம்சாவளியை சேர்ந்த நிஷா செஜ்வால் மற்றும் அமெரிக்காவை சேர்ந்த ஜோர்ஜ் சன்ஜேஸ், ரால்ப் நைட் ஆகியோர் என தெரியவந்தது.