சென்னை : சென்னையில் ஆபரணத் தங்கத்தின் விலை நேற்று ஒரே நாளில் சவரனுக்கு 528 ரூபாய் உயர்ந்தது.
5 ஆண்டுகளில்...
அமெரிக்க மத்திய வங்கி இந்த ஆண்டில் வட்டிக் குறைப்புக்கான வாய்ப்புகள் உள்ளதாகத் தெரிவித்துள்ள நிலையில் சர்வதேசச் சந்தையில் தங்கத்தின் விலை 5 ஆண்டுகளில் இல்லாத உயர்வை எட்டியுள்ளது. இது உள்ளூர் சந்தையிலும் பாதிப்பை ஏற்படுத்தியுள்ளது. சென்னையில் நேற்று முன்தினம் ஆபரணத் தங்கம் சவரன் ஒன்று 25 ஆயிரத்து 176 ரூபாய்க்கு விற்பனை செய்யப்பட்ட நிலையில் நேற்று 528 ரூபாய் உயர்ந்து 25 ஆயிரத்து 704 ரூபாயாகவும், கிராம் ஒன்றுக்கு 66 ரூபாய் உயர்ந்து 3 ஆயிரத்து 213 ரூபாய்க்கும் விற்பனையானது.
வெள்ளி விலை...
அதே போன்று வெள்ளி விலை ஒரே நாளில் கிலோ ஒன்றுக்கு 1000 ரூபாய் அதிகரித்துள்ளது. நேற்று முன்தினம் ஒரு கிராம் வெள்ளி 40 ரூபாய் 30 காசுகளுக்கு விற்ற நிலையில் நேற்று 1 ரூபாய் அதிகரித்து 41 ரூபாய் 30 காசுகளுக்கும் ஒரு கிலோ வெள்ளி நேற்று முன்தினம் 40 ஆயிரத்து 300 ரூபாய்க்கு விற்ற நிலையில் நேற்று 41 ஆயிரத்து 300 ரூபாய்க்கும் விற்பனையானது.
