தமிழகம் முழுவதும் இன்று தளர்வில்லா முழு ஊரடங்கு

சனிக்கிழமை, 25 ஜூலை 2020 தமிழகம்

அ+ அ-

Source: provided

சென்னை : தமிழகம் முழுவதும் இன்று தளர்வில்லா முழு ஊரடங்கு கடைப்பிடிக்கப்படுகிறது.

கொரோனா பரவலை தடுக்கும் வகையில் நாடு முழுவதும் கடந்த மாா்ச் 24-ம் தேதி முதல் ஊரடங்கு அமுலில் இருந்து வருகிறது. தமிழகத்தில் பல்வேறு கட்டுப்பாடுகளுடனும், தளர்வுகளுடனும் 6–ம் கட்ட ஊரடங்கு உத்தரவு 31.7.2020 நள்ளிரவு 12 மணி வரை நீடிக்கப்பட்டுள்ளது. இருந்த போதிலும் நாளுக்கு நாள் கொரோனா பாதிப்பு அதிகமாகி வருகிறது.

அதேநேரம் கொரோனா பரவலை தடுப்பதற்காக இம்மாதம் (ஜூலை) அனைத்து ஞாயிற்றுக் கிழமைகளிலும் தமிழகம் முழுவதும், எவ்வித தளர்வுகளுமின்றி முழு ஊரடங்கு அமல்படுத்தப்படும் என முதல்வர் எடப்பாடி பழனிசாமி அறிவித்திருந்தார்.

அதன்படி இன்று (4-வது வாரமாக) முழு ஊரடங்கு அமல்படுத்தப்படுகிறது. அதாவது நேற்று (25-ம்தேதி) நள்ளிரவு 12 மணி முதல் 27-ம் தேதி காலை 6 மணி வரையிலும் எந்தவித தளர்வும் இன்றி முழு ஊரடங்கு உத்தரவு அமலில் இருக்கும். பால் விநியோகம், மருத்துவமனைகள், மருந்துக் கடைகள், மருத்துவமனை ஊர்திகள், அவசர மற்றும் அமரர் ஊர்திகள் தவிர வேறு எந்த விதமான செயல்பாடுகளுக்கும் அனுமதி கிடையாது.

இன்று முழு ஊரடங்கையொட்டி போலீசார் ஆங்காங்கே சோதனை சாவடிகளை ஏற்படுத்தி கண்காணித்து வருகின்றனர். ஞாயிற்றுக்கிழமை என்றால் மீன், இறைச்சி கடைகளில் கூட்டம் அலைமோதுவது வழக்கம். இன்று முழு ஊரடங்கு அமுல்படுத்தப்படுவதால், நேற்றை அதனை வாங்க பொதுமக்கள் கடைகளில் திரண்டனர்.

காசிமேடு மீன்பிடி துறைமுகத்தில், காலை 3 மணி முதல் 8 மணி வரை மட்டுமே மீன் வியாபாரம் செய்யப்படும் என்றும், சில்லரை மீன் விற்பனைக்கு தடை விதித்தும் மீன்வளத் துறை அமைச்சகம் உத்தரவிட்டு இருந்தது. அதனால் பொதுமக்கள் அதிகாலை முதலே மீன் வாங்குவதற்காக கூட்டம் கூட்டமாக வந்தனர். பொதுமக்கள் கூட்டத்தை கட்டுப்படுத்துவதற்காக போலீசார் பாதுகாப்பு பணியில் ஈடுபடுத்தப்பட்டனர்.

ஒலிபெருக்கிகள் மூலம் மக்களைக் கலைந்து செல்லும்படியும், சமூக இடைவெளியை முறையாக கடைபிடிக்க சொல்லியும் அறிவுறுத்தினர். பட்டினப்பாக்கம், சிந்தாதிரிப்பேட்டை, சைதாப்பேட்டை உள்ளிட்ட மீன் மார்க்கெட்டிலும் மீன் விற்பனை அதிகமாக இருந்தது.

பெரும்பாலானவர்கள் முககவசம் அணிந்து வந்து மீன்களை வாங்கி சென்றனர். இதேபோல் ஆடு, கோழி விற்பனை செய்யும் இறைச்சி கடைகளிலும் பொதுமக்கள் கூட்டம் காணப்பட்டது.

காலை 7 மணி முதலே பொதுமக்கள் இறைச்சி வாங்க வந்தனர். அவர்கள் கடைகளுக்கு வெளியே இடைவெளிவிட்டு நிற்க வைக்கப்பட்டனர். இதை தொடர்ந்து, ஒருவர் பின் ஒருவராக இறைச்சிகளை வாங்க அனுமதிக்கப்பட்டனர்.

இதேபோல் மளிகை சாமான், காய்கறி உள்ளிட்ட அத்தியாவசிய பொருட்கள் வாங்கவும் கடைகளில் மக்கள் கூட்டம் அதிகமாக காணப்பட்டது.

இதை ஷேர் செய்திடுங்கள்:

உங்கள் சரியான வாழ்க்கை துணையை தேர்ந்தெடுக்க இதயம் மேட்ரிமோனி - பதிவு இலவசம்

சினிமா நடிகர், நடிகைகளின் புகைப்படங்கள்

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் \| இடுப்பு வலி குணமாக \| தவிற்கணவேண்டிய உணவுகள் 3 weeks 6 days ago	வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் \| பழங்கள் மற்றும் உணவு முறை 3 weeks 6 days ago	ஆவாரம்பூவின் மருத்துவ பலன்கள் 3 weeks 6 days ago
தீக்காயங்கள் குணமாக \| தீப்புண் கொப்பளங்கள் குணமாக \| தீப்புண் வடு மறைய \| காயம் விரைவில் ஆற - சித்த மருத்துவ குறிப்புக்கள் 3 months 3 weeks ago	குழந்தைகளுக்கு குடல் பூச்சி தீர \| நாக்கு பூச்சி நீங்க \| வயிற்றில் உள்ள நுண்புழுக்கள் அழிய \| குடல் புண் குணமாக 7 months 1 week ago	பேன் ஒழிய \| பேன் ஈர் ஒழிய - சித்த மருத்துவ குறிப்புக்கள் 8 months 1 week ago

வீடியோ

மூல கடுப்பு,சிறுநீர் எரிச்சல் கல் அடைப்பை போக்கும் இயற்கை பானம்	நரம்புத் தளர்ச்சியை விரட்டி அடிக்கும் இயற்கை உணவுகள்.	திராட்சை பழத்தின் மருத்துவ பயன்கள்
தர்பூசணி பழத்தின் மருத்துவ பயன்கள்	வேனல்கட்டி,வேர்க்குரு நீங்க வீட்டு மருத்துவம்	பல் வலி வராமல் தடுக்க இயற்கை மருத்துவம்

View all comments

வாசகர் கருத்து

அரசியல்

இந்தியா

சினிமா

ஆன்மிகம்