முக்கிய செய்திகள்
Idhayam Matrimony

வரத்து குறைவால் மீண்டும் சதம் அடித்தது தக்காளி விலை: மற்ற காய்கறிகளின் விலையும் கணிசமாக அதிகரிப்பு

ஞாயிற்றுக்கிழமை, 5 டிசம்பர் 2021      தமிழகம்
Image Unavailable

Source: provided

சென்னை : வரத்து குறைந்ததையடுத்து, தக்காளி விலை மீண்டும் சதம் அடித்துள்ளது. மற்ற காய்கறிகளின் விலையும் கணிசமாக அதிகரித்துள்ளது.

தமிழகத்தின் ஒட்டன்சத்திரம், தேனி, திண்டுக்கல், ஓசூர் உள்ளிட்ட பகுதிகளில் இருந்தும் ஆந்திரா, கர்நாடகா உள்ளிட்ட மாநிலங்களில் இருந்தும், கோயம்பேடு சந்தைக்கு தக்காளி வரத்து உள்ளது. தமிழகம், ஆந்திரா, கர்நாடகா மாநிலங்களில் பெய்த கனமழை காரணமாக, விளைச்சல் பாதிக்கப்பட்டு, தக்காளி வரத்து குறைந்தது. 

இந்நிலையில், கோயம்பேடு சந்தைக்கு, 40 லாரிகளில், 600 டன் தக்காளி மட்டுமே நேற்று முன்தினம் வந்தது. சென்னைக்கு, 1,100 டன் தக்காளி தேவை உள்ளது. இதில், மகராஷ்டிரா, சத்தீஸ்கர் மாநிலத்தில் இருந்து, 10 லாரிகள் வந்தன. வரத்து குறைவு காரணமாக, ௧ கிலோ தக்காளி, 90 -- 100 ரூபாய்க்கு விற்பனையானது. அதேபோல், காய்கறி வரத்து குறைவால், மற்ற காய்கறி விலையும் அதிகரித்துள்ளது. கிலோ பீன்ஸ், 80 -- 90 ரூபாய்க்கும், நுாக்கல், 80, முருங்கைக்காய், 150 -- 180, கேரட், 50 -- 75 ரூபாய்க்கும் விற்பனையானது.

கோயம்பேடு சந்தையில் கொரோனா பரவல் காரணமாக மூடப்பட்ட தக்காளி மைதானத்தை திறக்கக் கோரி, தந்தை பெரியார் தக்காளி மொத்த வியாபாரிகள் சங்கம் தொடர்ந்த வழக்கில் நீதிமன்ற உத்தரவுபடி, நவம்பர் 3-ம் தேதி, கோயம்பேடு சந்தையில், தக்காளி லாரிகள் நிறுத்த, ஒரு ஏக்கர் நிலத்தை, அங்காடி நிர்வாக குழு அதிகாரிகள் ஒதுக்கி கொடுத்தனர். இருந்தும் விலை குறையாமல் தக்காளி விலை மீண்டும் 100 ரூபாயை எட்டியுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 6 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து