குஜராத், இமாச்சல் சட்டசபை தேர்தலில் காங்கிரஸ் கட்சி படுதோல்வி அடையும் : பிரசாந்த் கிஷோர் கணிப்பு

புதுடெல்லி : குஜராத், இமாச்சலப்பிரதேச சட்டப்பேரவைத் தேர்தலில் காங்கிரஸ் கட்சி படுதோல்வி அடையும் என்று தேர்தல் உத்தி வகுப்பாளர் பிரசாந்த் கிஷோர் கணித்துள்ளார்.

இது தொடர்பாக அவர் நேற்று தனது டுவிட்டர் பக்கத்தில், "உதய்பூரில் நடந்த காங்கிரஸ் கட்சியின் சிந்தனைக் கூட்டம் பற்றி கருத்து சொல்லுமாறு என்னை அடிக்கடி கேட்டு வருகின்றனர். என்னைப் பொருத்தவரை, அந்தக் கூட்டம் அர்த்தமுள்ளதாக எந்த முடிவையும் எட்டவில்லை.

தன் இருப்பை உறுதி செய்துள்ளதோடு, காங்கிரஸ் தலைமையில் காலத்தை நீட்டித்துள்ளதைத் தவிர வேறெதுவும் செய்யவில்லை. குஜராத், இமாச்சலப்பிரதேச சட்டசபை தேர்தல்களில் படுதோல்வி அடையும்" என்று பதிவிட்டுள்ளார்.