முக்கிய செய்திகள்
Idhayam Matrimony

இந்திய நீதித்துறை வரலாற்றில் முதல்முறை: சுப்ரீம் கோர்ட் அரசியல் சாசன அமர்வு விசாரணை நேரலை

செவ்வாய்க்கிழமை, 27 செப்டம்பர் 2022      இந்தியா
Supreme-Court 2021 07 19

புதுடெல்லி: இந்திய நீதித்துறை வரலாற்றில் முதல்முறையாக சுப்ரீம் கோர்ட் அரசியல் சாசன அமர்வு விசாரணை நேற்று நேரடியாக ஒளிபரப்பு செய்யப்பட்டது. உயர்சாதியினருக்கான 10 சதவீத இடஒதுக்கீடு வழங்கும் வழக்கு உள்ளிட்ட அரசியல் சாசன அமர்வு தொடர்பான விசாரணைகள் நேரலை செய்யப்பட்டன.

சுப்ரீம் கோர்ட் அரசியல் சாசனம் அமர்வில் விசாரிக்கப்படும் வழக்கு நேற்று முதல்முறையாக நேரலையில் ஒளிபரப்பப்பட்டது. கவனமாக கையாளவேண்டிய பாலியல் வழக்குகள் மற்றும் திருமணம் சார்ந்த வழக்குகளை தவிர பிற வழக்குகளின் விசாரணை நேரலை செய்யலாம் என்று சுப்ரீம் கோர்ட் 2018-ம் ஆண்டில் தீர்ப்பு வழங்கியது. எனினும் 4 ஆண்டுகளாக நேரலை நடைமுறைக்கு வராத நிலையில் அரசியல் சாசன அமர்வில் விசாரிக்கப்படும் வழக்குகளை நேரலை செய்ய தலைமை நீதிபதி லலித் தலைமையில் நடந்த கூட்டத்தில் ஒரு மனதாக முடிவெடுக்கப்பட்டது.

செவ்வாய், புதன், வியாழன் கிழமை என வாரத்தில் 3 நாட்களில் 5 நீதிபதிகள் அடங்கிய அரசியல் சாசனம் அமர்வில் விசாரணை நடைபெறும். தலைமை நீதிபதி லலித், சந்திரசூட் மற்றும் கவுல் தலைமையிலான அரசமைப்பு அமர்வுகளை விசாரிக்கப்படும் வழக்குகள் அனைத்தும் நேரலையாக ஒளிபரப்பப்பட உள்ளன. இதன் நேர்ச்சியாக சுப்ரீம் கோர்ட்டில் பிற வழக்குகள் விசாரணையும் நேரலையில் ஒளிபரப்பு செய்ய திட்டமிடப்பட்டுள்ளது. 

இதன் அடிப்படையில் நேற்று அரசியல் சாசன அமர்வு வழக்கு விசாரணைகள் (webcast.gov.in/scindia/) நேரலை செய்யப்பட்டன. பொருளாதாரத்தில் பின்தங்கியவர்களுக்கான 10 சதவீத இட ஒதுக்கீடு வழங்குவதற்கு எதிரான வழக்கு டெல்லி மற்றும் மத்திய அரசுக்கு இடையிலான அதிகார மோதல் போக்கு தொடர்பான வழக்கு மகாராஷ்டிரா அரசியல் குழப்பம் தொடர்பான வழக்கு, அகில இந்திய வழக்கறிஞர்கள் தேர்வு தொடர்பான வழக்கு ஆகியவை நேற்று சுப்ரீம் கோர்ட்டின் அரசியல் சாசன அமர்வில் நேரலை செய்யப்பட்டன.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தாய்ப்பால் சுரப்பு நிற்க, தாய்ப்பால் வற்ற - சித்த மருத்துவ குறிப்புக்கள் வாந்தி நிற்க, கர்ப்பகால வாந்தி நிற்க, குமட்டல் நிங்க, பித்த வாந்திக்கு - சித்த மருத்துவ குறிப்புக்கள் தாய்ப்பால் பெருக | குழந்தை பிறப்பதற்கு முன்னும்,பிறந்த பின்னும் | தாய்ப்பால் கட்டிக்கொண்டு வலித்தல் தீர
இளமை சுறுசுறுப்புடன் வாழுவதற்கு | உடல் உஷ்ணத்தை தணிக்க | முதுமை அடைவதை தடுத்து, உடல் பலம் பெற | உடல் பலவீனம் நீங்க மூக்கடைப்பு, தும்மல் நிற்க, சளி தீர, சுவாச நோய் அலர்ஜி, தைராய்டு பிரச்சனைகளுக்கு நகச்சுற்று குணமாக, நல்ல நகம் முளைக்க, நகம் முளைக்க - சித்த மருத்துவ குறிப்புக்கள்
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.