வரும் 8-ம் தேதி ராமதாஸ் தலைமையில் பா.ம.க. செயற்குழு கூட்டம்

திண்டிவனம், பா.ம.க. செயற்குழு கூட்டம் வரும் 8ம் தேதி நடைபெறும் என்று தெரிவிக்கப்பட்டுள்ளது. 

பா.ம.க. நிறுவனர் ராமதாஸ், பா.ம.க. தலைவர் அன்புமணி ராமதாஸ் இடையே கருத்து மோதல் நிலவி வருகிறது. நான் உயிருடன் இருக்கும்வரை அன்புமணிக்கு பா.ம.க. தலைவர் பதவி கொடுக்கமாட்டேன் என்று ராமதாஸ் கூறியுள்ளார். மேலும், அன்புமணியின் ஆதரவாளர்களை கட்சியில் இருந்து நீக்கிவிட்டு புதிய நிர்வாகிகளை ராமதாஸ் நியமித்துள்ளார்.

இதனிடையே, ராமதாஸ் தலைமையில் பா.ம.க. புதிய தலைமை நிர்வாகக்குழு ஆலோசனைக்கூட்டம் நேற்று நடைபெற்றது. இதில், பா.ம.க. செயற்க்குழு கூட்டம் வரும் 8ம் தேதி நடைபெறும் என்று தெரிவிக்கப்பட்டுள்ளது. திண்டிவனம் அருகே ஓமந்தூரில் உள்ள தனியார் திருமண மண்டபத்தில் ராமதாஸ் தலைமையில் 8ம் தேதி பா.ம.க. செயற்குழு கூட்டம் நடைபெறும் என தெரிவிக்கப்பட்டுள்ளது.