மன்சூர் அலிகானின் சரக்கு படத்தின் இசை வெளியீட்டு விழா சமீபத்தில்  நடைப்பெற்றது. ராஜ் கென்னடி பிலிம்ஸ் சார்பில் மன்சூர் அலிகான் கதை எழுதி, தயாரித்து, நாயகனாக நடிக்கும் இந்த சரக்கு படத்தை ஜெயக்குமார்.ஜெ இயக்குகிறார். அருள் வின்செண்ட் மற்றும் மகேஷ்.டி ஒளிப்பதிவு செய்திருக்கும் இப்படத்திற்கு சித்தார்த் விபின் இசையமைத்து இருக்கிறார். இப்படத்தின் திரைக்கதை, வசனத்தை எழிச்சூர் அரவிந்தன் எழுதியிருக்கிறார். மக்கள் தொடர்பாளராக கோவிந்தராஜ் பணியாற்றுகிறார். இந்தப் படத்தில், கே.எஸ்.ரவிக்குமார், யோகி பாபு, நான் கடவுள் ராஜேந்திரன், கிங்ஸ்லி, உள்ளிட்ட பலர் நடித்திருக்கிறார்கள். விழாவில், கே பாக்யராஜ், பழ கருப்பையா, நாஞ்சில் சம்பத், உள்ளிட்ட பலர் கலந்துக் கொண்டு சரக்கு படத்தின் டிரைலர் மற்றும் பாடல்களை வெளியிட்டனர்.