முக்கிய செய்திகள்
Idhayam Matrimony

பிரபல வேளாண் விஞ்ஞானி எம்.எஸ். சுவாமிநாதன் மறைவு:ஜனாதிபதி, பிரதமர் மோடி இரங்கல்

வியாழக்கிழமை, 28 செப்டம்பர் 2023      இந்தியா
Modi-1 2023 04 03

Source: provided

புது டெல்லி:வேளாண் விஞ்ஞானி எம்.எஸ்.சுவாமிநாதன் மறைவிற்கு ஜனாதிபதி திரௌபதி முர்மு, பிரதமர் மோடி ஆகியோர் இரங்கல் தெரிவித்துள்ளார்.

இது குறித்து ஜனாதிபதி திரவுபதி முர்மு தனது டுவிட்டர் பக்கத்தில் தெரிவித்துள்ளதாவது,

சர்வதேச அளவில் புகழ்பெற்ற வேளாண் விஞ்ஞானி டாக்டர் எம்.எஸ். சுவாமிநாதனின் மறைவு என்னை வருத்தமளிக்க வைக்கிறது. உணவுப் பாதுகாப்பை அடைய முடிவில்லாமல் உழைத்த ஒரு தொலைநோக்கு பார்வையாளரான அவர், உணவு தானியங்களில் நம் நாட்டின் தன்னிறைவை உறுதிப்படுத்திய பசுமைப் புரட்சியின் தந்தை என்று சரியாக அழைக்கப்பட்டார்.  

அவர் விவசாய அறிவியலில் பாதையை உடைக்கும் ஆராய்ச்சிக்கு முன்னோடியாக இருந்தார். அதற்காக அவர் பத்ம விபூஷன் முதல் மதிப்புமிக்க உலக உணவு பரிசு வரை பல விருதுகளைப் பெற்றார். அவர் இந்திய விவசாய அறிவியலின் வளமான பாரம்பரியத்தை விட்டுச் செல்கிறார். இது மனிதகுலத்திற்கான பாதுகாப்பான மற்றும் பசியற்ற எதிர்காலத்தை நோக்கி உலகை வழிநடத்த வழிகாட்டும் ஒளியாக செயல்படும். இவ்வாறு அவர் அதில் தெரிவித்துள்ளார். 

பிரதமர் மோடி வெளியிட்டுள்ள இரங்கல் செய்தியில், 

விவசாயத்தில் எம்.எஸ். சுவாமிநாதன் செய்த பணி, கோடிக்கணக்கான மக்களின் வாழ்க்கையை மாற்றியது. நம் தேசத்திற்கு உணவு பாதுகாப்பை உறுதி செய்தது. லட்சக்கணக்கான மக்களுக்கு உணவு பாதுகாப்பை உறுதி செய்தவர் எம்.எஸ். சுவாமிநாதன். வேளாண் துறைக்கு எம்.எஸ்.சுவாமிநாதனின் கண்டுபிடிப்புகள் முக்கியத்துவம் வாய்ந்தது. எம்.எஸ்.சுவாமிநாதன் மிக நெருக்கடியான கால கட்டங்களில் விவசாயத்துறைக்கு பெரும் பங்காற்றியவர் என பிரதமர் மோடி புகழாரம் சூட்டி உள்ளார். 

ராகுல் காந்தி விடுத்துள்ள இரங்கல் செய்தியில், இயற்கை விஞ்ஞானி எம்.எஸ்.சுவாமிநாதனின் அர்ப்பணிப்பால் நாடு உணவில் தன்னிறைவு அடைந்தது.  பசுமைப் புரட்சியின் தந்தை எம்.எஸ்.சுவாமிநாதன் எப்போதும் நாட்டு மக்களால் நினைவுகூரப்படுவார் என்று தெரிவித்துள்ளார்.  

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 2 months 3 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 3 months 2 weeks ago தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 3 months 2 weeks ago
மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 4 months 2 weeks ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 4 months 2 weeks ago இரத்தத்தை சுத்தம் செய்து சுறுசுறுப்பாக்க - சித்த மருத்துவ குறிப்புக்கள் | இரத்தம் சுத்தமாக | ரத்த சோகை | புதிய ரத்தம் உருவாக | இரத்தத்தை சுத்தப்படுத்த 4 months 2 weeks ago
View all comments

வாசகர் கருத்து