வங்கதேச பிரதமராக ஹசீனா 3வது முறையாக பதவியேற்பு

டாக்கா, ஜன. 14  - வங்கதேசத்தில் 3_வது முறையாக ஷேக் ஹசீனா பிரதமராக பதவியேற்றுக் கொண்டார். அவருக்கு பிரதமர் மன்மோகன்சிங் உள்பட பல்வேறு நாடுகளின் தலைவர்கள் வாழ்த்து தெரிவித்து உள்ளனர். 

வங்கதேசத்தில் கடந்த மாதம் 5_ம் தேதி பொதுத் தேர்தல் நடைபெற்றது. மொத்தமுள்ள 300 இடங்களில் பிரதமர் ஷேக் ஹசீனா தலைமையிலான அவாமி லீக் கட்சி பெரும் பான்மை இடங்களை பெற்று வெற்றி பெற்றது. 

இதையடுத்து தலைநகர் டாக்காவில் உள்ள அதிபர் மாளிகையில் ஷேக் ஹசீனா நேற்று முன் தினம் 3 _வது முறையாக பிரதமர் பதவியேற்றார். 

அவருக்கு அதிபர் அப்துல் ஹமீது பதவி பிரமாணம் செய்து வைத்தார். ஹசீனாவுடன் 48 பேர் அமைச்சர் பதவியேற்றனர். 

தேர்தலுக்கு எதிராக முன்னாள் பிரதமர் கலீதா ஜியாவின் வங்கதேச தேசிய கட்சி பல்வேறு போராட்டங்களை நடத்தியது. 

இதில் கடந்த நவம்பர் மாதம் ஏற்பட்ட வன் முறையில் 150 _க்கும் மேற்பட்டோர் பலியானார்கள். பெரும்பாலான கட்சிகள் தேர்தலை புறக்கணித்ததால் ஜனநாயக முறைப்படி மீண்டும் தேர்தலை நடத்த வேண்டும் என சர்வதேச நாடுகள் வலியுறுத்தி வருகின்றன. 

எனினும் ஷேக் ஹசீனா பிரதமராக பதவியேற்றார். அவருக்கு இந்திய பிரதமர் மன்மோசன் சிங் உள்பட பல்வேறு நாடுகளின் தலைவர்கள் வாழ்த்து தெரிவித்து உள்ளனர். 

பதவியேற்பு விழாவில் இந்திய தூதர் பங்கஜ் சரண், அமெரிக்க தூதர் டான் மோசெனா, இங்கிலாந்து தூதர் ராபர்ட் கிப்சன் உள்ளிட்ட பல நாட்டு பிரதிநிதிகள் பங்கேற்றனர்.