இந்தியருக்கு மரண தண்டனை: துபாய் நீதிமன்றம் உத்தரவு

Image Unavailable

 

துபாய், ஜன.17 - துபாயில் தன்னுடன் வசித்து வந்த சக இந்திய நண்பரை கொன்று அவரது உடலை பெட்டிக்குள் வைத்து வெளிய வீசிய இந்திய வாலிபருக்கு துபாய் நீதிமன்றம் மரண தண்டனை விதித்துள்ளது. துபாயில் வசிக்கும் இந்திய வாலிபர் ஒருவருக்கு அவரது நண்பர் ரூ.1லட்சத்து 41 ஆயிரம் கடனாக கொடுத்துள்ளார். அதை 3 தவனைகளில் திரும்பி தர வேண்டும் என்று இருவரும் பேசி ஒப்பந்தம் செய்து கொண்டனர். இந்நிலையில் கடந்த ஆண்டு மே மாதம் 22-ம் தேதி இருவரும் துபாயில் உள்ள மற்றொரு இந்திய வாலிபரின் வீட்டில் சந்தித்து கடன் தொடர்பாக வாக்குவாதத்தில் ஈடுபட்டனர். அப்போது இருவருக்கும் வாக்குவாதம் முற்றி கைகலப்பாக மாறியது. ஆத்திரம் அடைந்த வாலிபர் கடன் கொடுத்த நண்பரின் கழுத்தை கயிற்றால் இறுக்கி கொலை செய்தார். பின்னர் அவரது உடலை ஒரு பெட்டியில் வைத்து யாரும் கவனிக்காத குப்பைகள் கொட்டும் இடத்தில் வீசிவிட்டார். தகவல் அறிந்த போலீஸார் இந்திய வாலிபரை கைது செய்து உடல் வைக்கப்பட்டிருந்த அட்டை பெட்டியை கைப்பற்றினர். இறந்தவரின் உடலை பிரேத பரிசோதனைக்கு அனுப்பி வைத்தனர். மேலும் அங்கிருந்த கைரேகைகள் மற்றும் கண்கானிப்பு கேமரா ஆகியவற்றின் உதவியால் மேலும் 3 பேரை கைது செய்தனர். அவர்கள் விசாரணைக்கு பிறகு விடுவிக்கப்பட்டனர். கொலை செய்த வாலிபர் இந்தியா தப்பி செல்வதற்கு முன்பாக கடந்த மே 23-ம் தேதி போலீஸார் கைது செய்தனர். இது தொடர்பான வழக்கு துபாய் நீதிமன்றத்தில் நடைபெற்றது. இதில் சக நண்பரை கொன்ற இந்திய வாலிபருக்கு மரண தண்டனை விதித்து நீதிமன்றம் உத்தரவிட்டுள்ளது.

இதை ஷேர் செய்திடுங்கள்:

வீடியோ

இன்றைய தலைப்புச் செய்திகள் | Today's News Headlines 26.10.2021 காற்று மணியின் ஓசைகளை கேட்டு குஷியான நாய்...! முதலையை தோளில் போட்டு குத்தாட்டம் | சிலிர்க்க வைக்கும் வீடியோ வைரல்...!
பார்வையாளர்ளை வியப்பில் ஆழ்த்திய பாம்பு நடனம்...! ஆமையின் கண்ணீரை பருகும் வண்ணத்துப்பூச்சிகள்...! ஒரே நாளில் தலையில் உள்ள பேனை விரட்ட எளிய டிப்ஸ்| How To Get Rid Of Head Lice Completely,
நெற்றியில் ஒற்றை கண்ணுடன் பிறந்த ஆட்டுக்குட்டி...! இன்றைய தலைப்புச் செய்திகள் | Today's News Headlines 25.10.2021 இன்றைய தலைப்புச் செய்திகள் | Today's News Headlines 24.10.2021
ஹோம் வொர்க் பண்ணினா பூனைக்கு பிடிக்காது சிறுவனை டிஸ்டர்ப் செய்யும் வீடியோ வைரல்....! கீழே கிடக்கும் குப்பையை எடுத்து குப்பை தொட்டியில் போடும் யானை... Vaara Rasi Palan - 25.10.2021 to 31.10.2021 | Weekly rasi palan Tamil | வார ராசிபலன்