முக்கிய செய்திகள்
Idhayam Matrimony

பார்லி. குளிர்கால கூட்டத்தொடரை சுமூகமாக நடத்துவது குறித்து 23 கட்சிகள் கூடி ஆலோசனை

சனிக்கிழமை, 2 டிசம்பர் 2023      இந்தியா
Parliament 2023 05 27

Source: provided

புதுடெல்லி : பாராளுமன்ற குளிர்கால கூட்டத்தொடர் நாளை கூடவுள்ள நிலையில், நேற்று அனைத்துக்கட்சி கூட்டம் நடைபெற்றது. இதில் கூட்டத்தொடரை சுமூகமாக நடத்துவது குறித்து ஆலோசிக்கப்பட்டதாக தெரிகிறது.

பாராளுமன்ற விவகாரங்கள் துறை அமைச்சர் பிரகலாத் ஜோஷி தலைமையில் பாராளுமன்ற நூலகக் கட்டிடத்தில் அனைத்துக் கட்சிக் கூட்டம் நேற்று நடைபெற்றது. இதில் கூட்டத் தொடரை சுமூகமாக நடத்துவது குறித்து ஆலோசிக்கப்பட்டதாக தெரிகிறது. பாதுகாப்புத் துறை அமைச்சர் ராஜ்நாத் சிங் இதில் கலந்து கொண்டார். இந்த ஆலோசனைக் கூட்டத்தில், 23 கட்சிகளைச் சேர்ந்த 30 தலைவர்கள் கலந்து கொண்டதாக பிரகலாத் ஜோஷி தெரிவித்தார். டிசம்பர் 22-ம் தேதி வரை நடைபெற உள்ள குளிர்கால கூட்டத் தொடரில் மொத்தம் 15 அமர்வுகள் இருக்கும் என்றும் அவர் கூறினார்.

இந்தக் கூட்டத்தில் காங்கிரஸ் கட்சி சார்பில் ஜெய்ராம் ரமேஷ், பிரமோத் திவாரி ஆகியோர் கலந்து கொண்டனர். வழக்கமாக பாராளுமன்றக் கூட்டத் தொடருக்கு முதல்நாள் அனைத்துக் கட்சிக் கூட்டம் நடைபெறும். ஆனால், இனறு 4 மாநில சட்டப்பேரவைத் தேர்தல் முடிவுகள் வெளியாக உள்ளதால் ஒரு நாள் முன்னதாக நேற்று அனைத்துக் கட்சிக் கூட்டம் நடைபெற்றது. வருகிற பாராளுமன்றக் குளிர்கால கூட்டத் தொடரில் தேர்தல் முடிவுகள் எதிரொலிக்கும் என எதிர்பார்க்கப்படுகிறது.

அனைத்துக்கட்சி கூட்டத்துக்குப் பின்னர் செய்தியாளர்களிடம் பேசிய பிரமோத் திவாரி, "தேர்தலுக்குப் பிந்தைய கருத்துக் கணிப்புகளை நம்ப முடியாது. சில கருத்துக் கணிப்புகள் வேறு மாதிரியாக இருக்கின்றன. ஆனால், நாங்கள் எங்கள் தொண்டர்கள் மூலம் கருத்துக்களைக் கேட்டுள்ளோம். சத்தீஸ்கர், மத்தியப் பிரதேசம், ராஜஸ்தான், தெலங்கானா ஆகிய 4 மாநிலங்களிலும் காங்கிரஸ் ஆட்சி அமைக்கும். மிசோரத்தில் எங்கள் கூட்டணி ஆட்சி அமைக்கும்" என்று தெரிவித்தார்.

இந்த பாராளுமன்ற கூட்டத்தொடரில், ஐ.பி.சி., சி.ஆர்.பி.சி., ஆவணச்சட்டம் ஆகியவற்றுக்கு மாற்றாக புதிய மூன்று சட்டங்களை கொண்டு வர மத்திய அரசு திட்டமிட்டுள்ளது. மேலும், பாராளுமன்றத்தில் கேள்வி கேட்க பணம் பெற்ற வழக்கில் சிக்கி உள்ள திரிணாமூல் காங்கிரஸ் எம்பி மஹூவா மொய்த்ரா தகுதி நீக்கம் செய்யப்படுவார் என எதிர்பார்க்கப்படுகிறது. எனினும், அப்படி ஒரு முடிவு எடுக்கப்படக் கூடாது என காங்கிரஸ் தெரிவித்துள்ளது.

இது குறித்து செய்தியாளர்களிடம் பேசிய பிரமோத் திவாரி, "மக்களால் தேர்ந்தெடுக்கப்பட்ட உறுப்பினரை, எந்த ஒரு குழுவின் பரிந்துரையின் அடிப்படையிலும் தகுதி நீக்கம் செய்யப்படக் கூடாது. இது குறித்து விவாதம் நடத்தப்பட வேண்டும்" என தெரிவித்துள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 10 months 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 10 months 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 11 months 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 11 months 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 1 month ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 1 month ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.