திருநெல்வேலி இருட்டுக்கடை அல்வா கடைக்கு முதல்வர் ஸ்டாலின் திடீர் விசிட்

சென்னை, தமிழ்நாடு  முதல்வர்  திராவிட நாயகர் திரு.மு.க.ஸ்டாலின் அவர்கள் திருநெல்வேலி மாவட்டத்தில் 6.2.2025 மற்றும் 7.2.2025 ஆகிய நாட்களில் கள ஆய்வு மேற்கொண்டு  பல்வேறு அரசு நலத்திட்ட உதவிகள் வழங்கும் நிகழ்ச்சிகளில் கலந்து கொண்டு பயனாளிகளுக்கு நலத்திட்ட உதவிகளை வழங்குகிறார்.

இன்று (6.2.2025) மாலை, திருநெல்வேலியில் பல ஆண்டுகளாக புகழுடன் விளங்கும் இருட்டுக்கடை அல்வா கடைக்கு திடீரெனச் சென்ற  முதல்வர் அவர்கள் கடை ஊழியர்களைக் கண்டு அல்வா தயாரிப்பு  முறை, விற்பனை குறித்து விசாரித்து அறிந்து கொண்டார்கள். 

சற்றும் எதிர்பாராமல்  முதல்வர்  அவர்கள் இருட்டுக்கடை அல்வா கடைக்கு வந்து தங்களுடன் பேசியது இன்ப அதிர்ச்சியாக இருந்தது என்று அல்வாக் கடையினர் மகிழ்ச்சியுடன் தெரிவித்தனர். அத்துடன் அந்தக் கடையில் கூடியிருந்த பொதுமக்களும்  முதல்வர் அவர்களைக் கண்டதும் ஆச்சரியம் கொண்டனர்.  முதல்வர் அவர்கள் இவ்வளவு எளிமையாக எல்லோருடனும் நெருங்கி வந்து பழகுவது பெருத்த சந்தோசத்தை எங்களுக்கு ஏற்படுத்தியது என்றும் கூறி  முதல்வர் அவர்களை பாராட்டினார்கள்.