ரேசன் அரிசி கடத்தலை தடுக்க வலியுறுத்தி முதல்வர் மு.க ஸ்டாலினுக்கு சந்திரபாபு நாயுடு கடிதம்

சென்னை : ரேசன் அரிசி கடத்தலை தடுக்க வலியுறுத்தி முதல்வர் மு.க.ஸ்டாலினுக்கு ஆந்திர முன்னாள் முதல்வர் சந்திரபாபு நாயுடு கடிதம் எழுதியுள்ளார். 

தமிழகத்தில் பொதுவிநியோக திட்டத்தின் கீழ் ரேசன் கடைகளில் குடும்ப அட்டைதாரர்களுக்கு இலவசமாக அரிசி வழங்கப்படுகிறது.  இந்த நிலையில் தமிழகத்திலிருந்து அண்டை மாநிலங்களுக்கு ரேசன் அரிசி கடத்துவது தற்போது அதிகரித்து வரும் நிலையில் தனிப்படைகள் அமைக்கபட்டு சோதனை தீவிரப்படுத்தப்பட்டு வருகின்றது.

இந்நிலையில் தமிழகத்தில் இருந்து ரேசன் அரிசி கடத்தப்படுவதை தடுக்க வேண்டும் என்று முதல்வர் மு.க.ஸ்டாலினுக்கு ஆந்திர முன்னாள் முதல்வர் சந்திரபாபு நாயுடு கடிதம் எழுதியுள்ளார். 

சந்திரபாபு நாயுடு எழுதியுள்ள அந்த கடிதத்தில் கூறப்பட்டிருப்பதாவது:- 

தமிழகத்தில் இருந்து ஆந்திரா வழியாக கர்நாடகாவுக்கு ரேசன் அரிசி கடத்தலை தடுக்க வேண்டும். வாணியம்பாடி, தும்பேரி ,பேர்ணாம்பட்டு வழியாக அதிகளவில் ரேசன் அரிசி கடத்தப்படுகிறது. 16 மாதத்தில் 13 வழக்குகள் தனது குப்பம் தொகுதியில் பதிவாகி உள்ளது. எனவே தமிழகத்திலிருந்து ரேசன் அரிசி கடத்தப்படுவதை தடுக்க முதல்வர்  ஸ்டாலின் நடவடிக்கை வேண்டும் என்று குறிப்பிட்டுள்ளார்.