முக்கிய செய்திகள்
Idhayam Matrimony

மூத்த அரசியில்வாதி ஆர்.எம்.வீரப்பன் காலமானார்

செவ்வாய்க்கிழமை, 9 ஏப்ரல் 2024      தமிழகம்
RM-Veerappan 2024-04-08

Source: provided

சென்னை : தமிழ்நாடு முன்னாள் அமைச்சரும்,  திரைப்பட தயாரிப்பாளருமான ஆர்.எம்.வீரப்பன்  (வயது 98) காலமானார். 

அரசியலில் இருந்து ஒதுங்கியிருந்த ஆர்.எம்.வீரப்பனுக்கு நேற்று காலை திடீரென மூச்சுத்திணறல் ஏற்பட்டது. இதையடுத்து, சென்னையில் உள்ள தனியார் மருத்துவமனையில் அனுமதிக்கப்பட்ட ஆர்.எம்.வீரப்பன்,  சிகிச்சை பலனளிக்காமல் நேற்று பிற்பகல் உயிரிழந்தார்.

ஆர்.எம்.வீ என்று அழைக்கப்படும் ஆர்.எம்.வீரப்பன்,  புதுக்கோட்டை மாவட்டம் வல்லதிராக்கோட்டை கிராமத்தில் பிறந்தவர். எம்.ஜி.ஆர். 1953-ம் ஆண்டில் துவங்கிய எம்ஜிஆர் நாடக மன்றம் மற்றும் எம்.ஜி.ஆர். பிக்சர்ஸ் பிரைவேட் லிமிடெட் ஆகிய நிறுவனங்களுக்கு நிர்வாக பொறுப்பாளராக ஆர்.எம்.வீரப்பனை நியமித்திருந்தார்.  இதன் பின்னர் 1963-ம் ஆண்டில் சத்யா மூவிஸ் என்ற பெயரில் ஆர்.எம்.வீரப்பன் திரைப்பட  தயாரிப்பு நிறுவனம் ஒன்றை துவங்கினார்.

இதைத் தொடர்ந்து திமுகவின் முக்கிய நிர்வாகிகளில் ஒருவராக வலம் வந்த ஆர்.எம்.வீரப்பன்,  எம்.ஜி.ஆர்., அ.தி.மு.க.வை தொடங்கும் போது அவருக்கு உறுதுணையாக இருந்தார்.  1984-ம் ஆண்டு எம்.ஜி.ஆர். உடல் நலக்குறைவால் தேர்தல் பிரச்சாரத்தில் ஈடுபட முடியாத போது,  ஆர்.எம்.வீரப்பன் தேர்தல் பிரச்சாரங்களை ஒருங்கிணைக்கும் பணியில் ஈடுபட்டார்.

எம்.ஜி.ஆர். மறைவுக்கு பின்னர் அ.தி.மு.க இரண்டாக பிளவுபட்ட போது, 98 எம்.எல்.ஏக்.களின் ஆதரவுடன் எம்.ஜி.ஆரின் மனைவி வி.என்.ஜானகியை முதல்வர் நாற்காலியில் அமர வைக்க ஆர்.எம்.வீரப்பனின் பங்கு முக்கியமானதாக இருந்தது. அதன் பிறகு ஜெயலலிதா தலைமையில்  அ.தி.மு.க ஒன்றுபட்ட போது,  ஆர்.எம்.வீரப்பன்  அ.தி.மு.க. துணை பொதுச்செயலாளராக நியமிக்கப்பட்டார்.

இரண்டு முறை சட்டப் பேரவைக்கும், மூன்று முறை சட்ட மேலவைக்கும் ஆர்.எம்.வீரப்பன் தேர்ந்தெடுக்கப்பட்டுள்ளார்.  இந்து சமய அறநிலையத்துறை அமைச்சர்,  உள்ளாட்சி துறை அமைச்சர்,  இளைஞர் நலன் மற்றும் கல்வித்துறை அமைச்சர் என பல்வேறு பதவிகளை இவர் வகித்துள்ளார்.

எம்ஜிஆரை வைத்து நிறைய படங்கள் தயாரித்த ஆர்.எம்.வீரப்பன்,  ரஜினிகாந்த்தின் மிகப் பெரிய வெற்றிப் படமான பாட்ஷாவையும் தயாரித்தார்.  பாட்ஷா திரைப்பட வெற்றி விழாவில் கலந்து கொண்ட ரஜினிகாந்த், முதலமைச்சராக இருந்த ஜெயலலிதாவின் ஆட்சியை கடுமையாக விமர்சித்தார். அப்போது மேடையில் ஆர்.எம்.வீரப்பன் இருந்ததால், அவரது அமைச்சர் பதவி பறிக்கப்பட்டது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 month 1 day ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 month 1 day ago ஆவாரம்பூவின் மருத்துவ பலன்கள் 1 month 1 day ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 1 week ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.