ஜப்பானில் உள்ள ஒசாகா பல்கலை கழக மருத்துவமனையில் கடந்த 30 ஆண்டுகளாக தவறுதலாக கழிவறை நீரையே குடிநீராக விநியோகித்த அவலம் தற்போது வெளியாகி உள்ளது. அந்த மருத்துவமனையில் தற்போது கட்டப்பட்டு வரும் புதிய கட்டிடத்துக்கு குடிநீர் குழாய் இணைப்பு கொடுக்க முயன்ற போதுதான் பழைய கட்டிடங்களில் குடிநீர் குழாய் தவறுதலாக கழிவு நீர் குழாயுடன் இணைக்கப்பட்டிருந்தது கண்டுபிடிக்கப்பட்டது. கடந்த 1993 ஆம் ஆண்டு மருத்துவமனை திறக்கப்பட்ட போது சுமார் 120 குடிநீர் குழாய்கள் இவ்வாறு தவறுதலாக கழிவு நீர் குழாயுடன் இணைக்கப்பட்டுள்ளது என்பதை அந்நாட்டு பிரபல நாளேடு  Yomiuri Shimbun அம்பலப்படுத்தியுள்ளது.