சென்னை : தீபாவளி பண்டிகைக்கு மறுநாளான 28-ம் தேதியும் அரசு விடுமுறை அறிவித்து தமிழக அரசு ஆணையிட்டுள்ளது.
இந்தியா முழுவதும் வரும் 27-ம் தேதி தீபாவளி பண்டிகை உற்சாகமாக கொண்டாடப்படுகிறது. இதைத்தொடர்ந்து மக்கள் சொந்த ஊர்களுக்கு செல்ல வசதியாக சிறப்பு பேருந்துகள் சிறப்பு ரயில்கள் அறிவிக்கப்பட்டுள்ளன, தீபாவளியை மகிழ்ச்சியுடன் கொண்டாட பண்டிகைக்கு மறுநாள் அக்டோபர் 28-ம் தேதி அனைத்து மாவட்டங்களிலும் உள்ளூர் விடுமுறை அளிக்க வேண்டுமென தலைமை செயலக ஊழியர்கள் வேண்டுகோள் விடுத்தனர்.
அதனை ஏற்று தமிழக அரசு வரும் 28-ம் தேதி அனைத்து மாவட்டங்களிலும் உள்ளுர் விடுமுறை வழங்க வேண்டுமென அரசாணை வெளியிட்டுள்ளது. 28-ம் தேதி அரசு நிறுவனங்கள், பள்ளிகள், கல்லூரிகளுக்கு விடுமுறை அளிக்கப்பட்டுள்ளது. அந்த விடுமுறையை ஈடுசெய்யும் வகையில் நவம்பர் 9-ம் தேதி இரண்டாம் சனிக்கிழமை பணிநாளாக அறிவித்து அரசாணை வெளியிடப்பட்டுள்ளது. 26-ம் தேதி சனிக்கிழமை, 27-ம் தேதி ஞாயிற்றுக்கிழமை மற்றும் 28-ம் தேதி திங்கட்கிழமை ஆகிய நாட்களில் பண்டிகை தொடர் விடுமுறை அளிக்கப்பட்டுள்ளது. இதனால் தீபாவளி பண்டிகையை மக்கள் முன்னிலும் மகிழ்ச்சியுடன் கொண்டாடுவார்கள்.
