மூச்சுத்திணறல்: காங். மூத்த தலைவர் குமரிஅனந்தன் சென்னை மருத்துவமனையில் அனுமதி

சென்னை ; காங்கிரஸ் கட்சியின் மூத்த தலைவர் குமரி அனந்தன், மூச்சுத்திணறல் காரணமாக மருத்துவமனையில் அனுமதிக்கப்பட்டுள்ளார். 

தமிழ்நாடு காங்கிரஸ் கட்சியின் மூத்த தலைவரும், காந்தி பேரவையின் நிறுவனத் தலைவருமாக இருந்து வருபவர் குமரி அனந்தன். இவருக்கு வயது 90. இந்த நிலையில், குமரி அனந்தனுக்கு நேற்று முன்தினம் இரவு திடீரென மூச்சுத்திணறல் ஏற்பட்டது. இதனையடுத்து சென்னை ராயப்பேட்டை அரசு மருத்துவமனையில், குமரி அனந்தன் சிகிச்சைக்காக அனுமதிக்கப்பட்டார்.

அங்கு மருத்துவர்கள் குமரி அனந்தனின் உடல் நிலையை தீவிரமாக கண்காணித்து வருகின்றனர். தற்போது குமரி அனந்தன் நலமாக இருப்பதாக ராயப்பேட்டை அரசு மருத்துவமனை வட்டாரங்கள் தெரிவித்துள்ளன.