முக்கிய செய்திகள்
Idhayam Matrimony

லக்னோவை வீழ்த்தியது கொல்கத்தா

திங்கட்கிழமை, 6 மே 2024      விளையாட்டு
Kolkata 2024-04-30

Source: provided

லக்னோ : ஐ.பி.எல். தொடரில் லீக் ஆட்டத்தில் லக்னோவை 98 ரன்கள் வித்தியாசத்தில் கொல்கத்தா அணி அபார வெற்றி பெற்றது. இதன் மூலம் புள்ளிப்பட்டியலில் முதலிடத்திற்கு முன்னேறியுள்ளது.

லக்னோ பந்துவீச்சு....

ஐ.பி.எல். தொடரில் ஞாயிரன்று நடைபெற்ற 2-வது ஆட்டத்தில் லக்னோ சூப்பர் ஜெயண்ட்ஸ் - கொல்கத்தா நைட் ரைடர்ஸ் அணிகள் மோதின. இதில் டாஸ் வென்ற லக்னோ அணியின் கேப்டன் கே.எல்.ராகுல் பந்து வீச்சை தேர்வு செய்தார். அதன்படி முதலில் பேட்டிங் செய்த கொல்கத்தா அணியின் தொடக்க ஆட்டக்காரர்களாக சுனில் நரைன் - சால்ட் களமிறங்கினர். முதல் விக்கெட்டுக்கு 61 ரன்கள் பார்ட்னர்ஷிப் சேர்த்த நிலையில், அதிரடியாக விளையாடிய சால்ட் 32 ரன்களில் (14 பந்துகள்) ஆட்டமிழந்தார். பின்னர் ரகுவன்ஷி - சுனில் நரைன் ஜோடி சேர்ந்தனர். இதில் ரகுவன்ஷி நிதானமான ஆட்டத்தை கடைபிடிக்க மறுமுனையில் சுனில் நரைன் அதிரடியாக விளையாடினார். லக்னோ பந்து வீச்சை வெளுத்து வாங்கிய அவர் 39 பந்துகளில் 81 ரன்கள் அடித்த நிலையில் கேட்ச் ஆகி ஆட்டமிழந்தார்.

235 ரன்கள் குவிப்பு...

அவரை தொடர்ந்து களமிறங்கிய ரசல் 12 ரன்களிலும், ரகுவன்ஷி 32 ரன்களிலும் ஆட்டமிழந்தனர். அடுத்து வந்த ரிங்கு சிங் 16 ரன்களில் ஆட்டமிழந்து இந்த முறையும் ஏமாற்றம் அளித்தார். கடைசி கட்டத்தில் கேப்டன் ஸ்ரேயாஸ் ஐயர் மற்றும் ரமன்தீப் சிங் அதிரடியாக விளையாடி அணியின் ஸ்கோரை உயர்த்தினர். ஸ்ரேயாஸ் 15 பந்துகளில் 23 ரன்கள் அடித்த நிலையில் அவுட்டானார். ரமன்தீப் சிங் 6 பந்துகளில் 25 ரன்கள் அடித்தார். நிர்ணயிக்கப்பட்ட 20 ஓவர்களில் கொல்கத்தா 6 விக்கெட்டுகளை இழந்து 235 ரன்கள் குவித்தது. அந்த அணியில் அதிகபட்சமாக சுனில் நரைன் 81 ரன்கள் அடித்தார். லக்னோ தரப்பில் அதிகபட்சமாக நவீன் உல் ஹக் 3 விக்கெட்டுகள் வீழ்த்தினார்.

98 ரன்கள் வித்தியாசத்தில்... 

இதனை தொடர்ந்து 236 ரன்கள் அடித்தால் வெற்றி என்ற மெகா இலக்கை நோக்கி லக்னோ அணி பேட்டிங்கை தொடங்கியது. அணியின் தொடக்க ஆட்டக்காரர்களாக கேப்டன் கே.எல்.ராகுல் மற்றும் அர்ஷின் குல்கர்னி களமிறங்கினர். இதில் கே.எல்.ராகுல் 25 ரன்களிலும், அர்ஷின் 9 ரன்களிலும் அவுட்டான நிலையில், அடுத்து வந்த மார்க்கஸ் ஸ்டாய்னிஸ் 21 பந்துகளில் 36 ரன்கள் அடித்து கேட்ச் ஆகி வெளியேறினார். தீபக் ஹூடா 5 ரன்களில் எல்.பி.டபிள்யூ. முறையில் ஆட்டமிழந்தார். நிக்கோலஸ் பூரன் 10 ரன்களில் கேட்ச் ஆனார். இதன் பின்னர் அடுத்தடுத்து விக்கெட்டுகள் சரிந்ததைத் தொடர்ந்து, லக்னோ அணி 16.1 ஓவர்களில் அனைத்து விக்கெட்டுகளையும் இழந்து 137 ரன்கள் சேர்த்தது. இதன் மூலம் 98 ரன்கள் வித்தியாசத்தில் கொல்கத்தா அணி அபார வெற்றி பெற்றது.

முதலிடத்தில் கொல்கத்தா 

ஐபிஎல் போட்டியில் கொல்கத்தா நைட் ரைடர்ஸ் 98 ரன்கள் வித்தியாசத்தில் லக்னோ சூப்பர் ஜயன்ட்ஸை ஞாயிற்றுக்கிழமை வென்றது. முதலில் கொல்கத்தா 20 ஓவர்களில் 6 விக்கெட்டுகள் இழப்புக்கு 235 ரன்கள் எடுக்க, லக்னோ 16.1 ஓவர்களில் 10 விக்கெட்டுகளும் இழந்து 137 ரன்களே எடுத்தது. இந்த வெற்றியால், நல்லதொரு ரன் ரேட்டுடன், ராஜஸ்தானை கீழிறக்கி முதலிடத்துக்கு வந்தது 

 

 

 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 month 2 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 month 2 weeks ago ஆவாரம்பூவின் மருத்துவ பலன்கள் 1 month 2 weeks ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 4 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 8 months 4 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 9 months 20 hours ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.