மொட்டை போட்டு, நாக்கில் அலகு குத்தி திருத்தணியில் நேர்த்திக்கடன் செலுத்திய நடிகை சரண்யா

திருத்தணி : தீவிர முருக பக்தரான நடிகை சரண்யா, வேண்டுதலை நிறைவேற்றும் பொருட்டு திருத்தணி முருகன் கோவிலில் முடிக்காணிக்கை செலுத்தி, அலகு குத்தி உள்ளார். 

மொட்டை அடித்தபோது எடுத்த வீடியோவை பதிவிட்டுள்ள சரண்யா, தன் வேண்டுதல் நிறைவேறியதால் திருத்தணி முருகனுக்கு மொட்டை அடித்துள்ளதாக கூறியுள்ளார். 

தமிழில் கடந்த 2004-ம் ஆண்டு பாலாஜி சக்திவேல் இயக்கத்தில் வெளியான காதல் திரைப்படத்தில் சந்தியாவின் தோழியாக நடித்தவர்தான் சரண்யா நாக். இவர் 1998-ம் ஆண்டு அகத்தியன் இயக்கத்தில் பிரசாந்த் நடிப்பில் வெளியான காதல் கவிதை என்ற படத்தில் குழந்தை நட்சத்திரமாக நடித்து சினிமாவில் அறிமுகமானார். 

அதன் பின்னர் ஒரு சில படங்களில் நடித்த சரண்யா காதல் திரைப்படத்தில் நடித்தன் மூலம் அனைவரும் தெரிந்த முகமாக மாறினார். அந்த திரைப்படத்தை தொடர்ந்து, துள்ளுற வயசு,    ஒரு வார்த்தை பேசு உள்ளிட்ட பல படங்களில் நடித்துள்ளார். 2009-ம் ஆண்டு ஜெயம் ரவி நடிப்பில் வெளியான பேராண்மை படத்தில் 5 பெண்களில் ஒருவராக சரண்யா நடித்திருந்தது குறிப்பிடத்தக்கது.