ஒரு பவுன் ரூ. 65,000-ஐ நெருங்கியது:தங்கம் விலை புதிய உச்சம்

சென்னை: சென்னையில் ஆபரணத் தங்கத்தின் விலை நேற்று (மார்ச் 13) சவரனுக்கு ரூ.440 அதிகரித்து புதிய உச்சத்த்தை தொட்டுள்ளது.

சென்னையில் ஆபரணத் தங்கத்தின் விலை ஏற்ற, இறக்கமாக இருந்து வந்த நிலையில் சனிக்கிழமை சவரன் ரூ.64,320-க்கும், திங்கள்கிழமை ரூ.64,400-க்கும் விற்பனையானது. செவ்வாய்க் கிழமை ரூ. 64,160-க்கும் விற்கப்பட்ட நிலையில், நேற்று முன்தினம்(புதன்) அதிரடியாக ரூ. ரூ.360 உயர்ந்து ரூ.64,520-க்கு விற்பனையானது.

இந்த நிலையில், சென்னையில் வியாழக்கிழமை காலை ஆபரணத் தங்கத்தின் விலை சவரனுக்கு அதிரடியாக ரூ. 440 உயர்ந்து, ரூ. 64,960 என்ற புதிய உச்சத்தை தொட்டுள்ளது. ஒரு கிராமுக்கு ரூ. 55 அதிகரித்து ரூ. 8,120-க்கு விற்பனை செய்யப்பட்டு வருவதால் மக்கள் அதிர்ச்சி அடைந்துள்ளனர். இதனிடையே, வெள்ளியில் விலை புதன்கிழமை காலை ரூ. 2 அதிகரித்த நிலையில், நேற்றும் அதிரடியாக ஒரு ரூபாய் அதிகரித்துள்ளது. ஒரு கிராம் வெள்ளி ரூ. 110-க்கும் ஒரு கிலோ ரூ. 1,10,000-க்கு விற்பனையானது.