முக்கிய செய்திகள்
Idhayam Matrimony

ராஜபக்ஷேவை நிறுத்தி விசாரிக்க வலியுறுத்தி சென்னையில் விடுதலைசிறுத்தைகள் ஆர்ப்பாட்டம்

திங்கட்கிழமை, 2 மே 2011      தமிழகம்
Image Unavailable

சென்னை, மே.- 2 - இலங்கையில் தமிழர்கள் கொல்லப்பட்டதற்கு காரணமான இலங்கை அதிபர் ராஜபக்ஷேவை சர்வதேச நீதிமன்றத்தில் நிறுத்தி விசாரிக்க வேண்டும் என விடுதலை சிறுத்தைகள் கட்சி சார்பில் சென்னையில் நேற்று கண்டன ஆர்ப்பாட்டம் நடைபெற்றது. இலங்கையில் தமிழர்கள் கொல்லப்பட்டதை கண்டித்தும் சர்வதேச நீதிமன்றத்தில் அந்நாட்டு அதிபர் ராஜபக்ஷேவை விசாரிக்கக்கோரியும் விடுதலை சிறுத்தைகள் கட்சி சார்பில் சென்னையில் மெமோரியல் ஹால் முன்பாக நேற்று ஆர்ப்பாட்டம் நடந்தது.
ஆர்ப்பாட்டத்திற்கு அக்கட்சியின் தலைவர் தொல்.திருமாவளவன் தலைமை வகித்தார். ரவிக்குமார் எம்.எல்.ஏ., மாநில செய்தி தொடர்பாளர் வன்னி அரசு ஆகியோர் முன்னிலை வகித்தனர். இந்த ஆர்ப்பாட்டத்தில் 500க்கும் மேற்பட்டோர் கலந்துகொண்டு இலங்கை அரசுக்கு எதிராகவும், அதன் அதிபர் ராஜபக்ஷேவுக்கு எதிராகவும், மத்திய அரசுக்கு எதிராகவும் குரல் எழுப்பினர்.
இந்த ஆர்ப்பாட்டத்தின்போது விடுதலை சிறுத்தைகள் கட்சியின் தலைவர் தொல்.திருமாவளவன் கூறியதாவது:
அப்பாவித் தமிழர்களை கொன்று குவித்த ராஜபக்ஷேவை சர்வதேச நீதிமன்றத்தில் நிறுத்த வேண்டும். அவருக்கு தண்டனை கிடைக்க அனைத்து நாடுகளும் நடவடிக்கை எடுக்க வேண்டும். இந்திய அரசும் மக்களவை, மாநிலங்களவைகளை கூட்டி ராஜபக்ஷே மீது நடவடிக்கை எடுப்பது குறித்து வலியுறுத்த வேண்டும்.
கியூபா, ரஷ்யா, சீனா போன்ற கம்யூனிஸ்டு நாடுகள் இலங்கைக்கு உதவி செய்வது அதிர்ச்சி அளிக்கிறது. இதை நிறுத்திக்கொள்ள வேண்டும். இலங்கைத் தமிழர்களுக்காக உயிர்நீத்த சிவகாசியை சேர்ந்த வாலிபரின் குடும்பத்திற்கு நிதியுதவி அளிக்கும் வகையில், அங்கு வருகிற 8ம் தேதி பொதுக்கூட்டம் நடத்தப்படும்.
இவ்வாறு திருமாவளவன் கூறினார்.
இந்த ஆர்ப்பாட்டத்தின்போது சிலர் ராஜபக்ஷேவின் உருவ பொம்மையை எரிக்க முயன்றனர். அங்கிருந்த போலீசார் அவர்களை தடுத்து நிறுத்தினர்

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 weeks 6 hours ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 weeks 6 hours ago ஆவாரம்பூவின் மருத்துவ பலன்கள் 3 weeks 6 hours ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 5 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 1 day ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.