முக்கிய செய்திகள்
Idhayam Matrimony

மேலும் 4,549 பேருக்கு கொரோனா: இதுவரை 1,07,416 பேர் குணமடைந்து டிஸ்சார்ஜ்: தமிழக சுகாதார துறை அறிவிப்பு

வியாழக்கிழமை, 16 ஜூலை 2020      தமிழகம்
Image Unavailable

தமிழகத்தில் நேற்று 4,549 பேருக்கு கொரோனா தொற்று உறுதி செய்யப்பட்டுள்ள நிலையில் மொத்த பாதிப்பு எண்ணிக்கை 1,56,369 ஆக உயர்ந்துள்ளதாக சுகாதாரத்துறை தெரிவித்துள்ளது.

கொரோனா தொற்று அறிகுறியுடன் மருத்துவமனையில் சேர்க்கப்பட்டவர்களுக்கு அடுத்தடுத்து நோய்த்தொற்று உறுதி செய்யப்பட்டு வருவதால் பாதிக்கப்பட்டவர்களின் எண்ணிக்கை தொடர்ந்து அதிகரித்துக் கொண்டே வருகிறது. தமிழகத்தில் தற்போது கொரோனா தொற்றினால் 46,714 பேர் பல்வேறு மருத்துவமனைகளில் சிகிச்சையில் உள்ளனர். தமிழகத்தில் கொரோனாவில் இருந்து இதுவரை 1,07,416 பேர் குணமடைந்து வீடு திரும்பியுள்ளனர். நேற்று மட்டும் 5,106 பேர் டிஸ்சார்ஜ் செய்யப்பட்டுள்ளனர். கொரோனாவால் நேற்று  69 பேர் உயிரிழந்துள்ளனர். இதனால் மொத்த உயிரிழப்பு 2,236 ஆக உயர்ந்துள்ளது. நேற்று அரசு மருத்துவமனைகளில் 44 பேரும், தனியார் மருத்துவமனைகளில் 25 பேரும் கொரோனா தொற்றினால் உயிரிழந்தனர்.

சென்னையில் நேற்று ஒரே நாளில் 1,157 பேருக்கு கொரோனா தொற்று உறுதியாகியுள்ளது. சென்னையில் இதுவரை 82,128 பேர் பாதிக்கப்பட்டுள்ளனர். சென்னையில் நேற்று 1,712 பேர் குணமடைந்து வீடு திரும்பியுள்ளனர். சென்னையில் மொத்தம் 65,748 பேர் குணமடைந்துள்ளனர். 15,038 பேர் மருத்துவமனையில் சிகிச்சை பெற்று வருகின்றனர். சென்னையில் நேற்று 23 பேர் கொரோனாவினால் உயிரிழந்துள்ளனர். சென்னையில் உயிரிழப்பு 1341 ஆக உள்ளது. தமிழகத்தில் மொத்தம் 107 மையங்களில் கொரோனா பரிசோதனை செய்யப்படுகிறது. 54 அரசு மருத்துவமனைகளில், 53 தனியார் மருத்துவமனைகளில் கொரோனா பரிசோதனை செய்யப்படுகிறது. தமிழகத்தில் இதுவரை 17,09,459 பேருக்கு கொரோனா பரிசோதனை செய்யப்பட்டுள்ளது.  பிற மாநிலங்களில் இருந்து தமிழகத்திற்கு வந்த 66 பேருக்கு கொரோனா பாதிப்பு உறுதி செய்யப்பட்டுள்ளது. தமிழகத்தில் இதுவரை ஆண்கள் 95,308 பேரும், பெண்கள் 61,038 பேரும், மூன்றாம் பாலினத்தவர் 23 பேரும் கொரோனா பாதிப்பிற்கு ஆளாகியுள்ளனர். இவ்வாறு சுகாதார துறை தெரிவித்துள்ளது. 

தமிழகத்தில் 12 வயதிற்குள் 7,782 பேரும், 13 வயதிலிருந்து 60 வயதிற்குள் 1,29,430 பேரும், 60 வயதிற்கு மேல் 19,157 பேரும் கொரோனாவினால் பாதிக்கப்பட்டுள்ளனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 6 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 6 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 7 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 7 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 9 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 9 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.