நிலக்கரி முறைகேடு: மேலும் 2 நிறுவனங்கள் மீது வழக்கு

புது டெல்லி, மார்ச் 29 - நிலக்கரிச் சுரங்க முறைகேடு வழக்கு தொடர்பாக நாகபுரி மற்றும் டெல்லியைச் சேர்ந்த 2 தனியார் நிறுவனங்கள் மீது சிபிஐ வழக்குப் பதிவு செய்துள்ளது.

வழக்குப் பதிவு செய்த உடனே அந்த நிறுவனங்களுக்கு சொந்தமான மும்பை, டெல்லி, சத்தீஸ்கர் , நாகபுரி ஆகிய பகுதிகளில் உள்ள வீடுகள் அலுவலகங்களில் சிபிஐ அதிகாரிகள் அதிரடி சோதனை நடத்தினர். 1998-ஆம் ஆண்டு நிலக்கரி சுரங்க ஒதுக்கீடு பெற்றபோது, சென்டரல் கொலைரீஸ்  நிறுவனமே செயல்பாட்டில் இல்லை. 2000-ஆம் ஆண்டு மிண் நிறுவனத்தை அமைக்காமல் இந்த நிறுவனம் நிலக்கரியை எடுத்து விற்பனை செய்து வந்துள்ளது. இதேபோல், பிரகாஷ் நிறுவனம் பொய்யான தகவல்களை அளித்து உரிமம் பெற்றுள்ளது. அரசு விதிமுறைகள் பின்பற்றப்படாமல் நிலக்கரிச் சுரங்கம் ஒதுக்கீடு செய்யப்பட்டுள்ளது.

என்று சிபிஐ குற்றம்சாட்டியுள்ளது.