பிரபல டென்னிஸ் வீராங்கனை செரீனா வில்லியம்ஸ் கர்ப்பம் !

வியாழக்கிழமை, 20 ஏப்ரல் 2017      விளையாட்டு
serena pregnant1(N)

வாஷிங்டன்  - பிரபல அமெரிக்க டென்னிஸ் வீராங்கனை செரீனா வில்லியம்ஸ் தான் கர்ப்பமாக இருப்பதை அவரே உறுதிசெய்து உள்ளார்.

டென்னிஸ் நட்சத்திரம்
அமெரிக்க டென்னிஸ் நட்சத்திரம் 35 வயது செரீனா வில்லியம்ஸ் தன்னுடைய ஸ்னாப்ஷாட்டில் புகைப்படம் ஒன்றை பதிவிட்டார், அனைவருக்கும் அதிர்ச்சி அளிக்கும் வகையில் புகைப்படத்தின் கேப்ஷனாக 20 வாரங்கள் என குறிப்பிட்டு இருந்தார். இதனை உடனடியாக நீக்கிவிட்டார். நீச்சல் உடையில் அவர் கர்ப்பமாக இருக்கும் காட்சி அடங்கிய புகைப்படமானது சமூக வலைதளங்களிலும் பரவி வருகிறது, செரீனா வில்லியம்ஸ் கர்ப்பமாகதான் உள்ளார் என்பதையும் அவருடைய பிரதிநிதி உறுதிசெய்து உள்ளார்.

20 வாரம் கர்ப்பம்
செரீனா வில்லியம்ஸ் இந்த ஆண்டு ஜனவரியில் நடைபெற்ற ஓபன் டென்னிஸ் போட்டியில் வெற்றி பெற்று தன்னுடைய 23-வது கிராண்ட் ஸ்லாம் பட்டத்தை வென்று வரலாறு படைத்தார். இப்போது செரீனா 20 வாரம் கர்ப்பம் என பதிவிட்டு உள்ளதால் அவர் ஜனவரில் ஆஸ்திரேலிய ஓபன் டென்னிஸ் போட்டியில் விளையாடிய போதே கர்ப்பமாக இருந்தார் என உலக பத்திரிக்கைகளில் செய்திகள் வெளியாகி வருகிறது. இதற்கிடையே டென்னிஸ் நட்சத்திரம் செரீனா வில்லியம்ஸின் ரசிகர்கள் மற்றும் நண்பர்கள் அதிர்ச்சியுடன் தங்களுடைய சமூக வலைதளங்களில் கருத்துக்களை பதிவிட்டு வருகிறார்கள். செரீனா வில்லியம் குழந்தை பிறந்த பின்னர் மீண்டும் டென்னிஸ் போட்டிகளில் அசத்துவார் என எதிர்பார்க்கப்படுகிறது.


2-வது இன்னிங்ஸ்
செரீனா வில்லியம்ஸ் தனது வாழ்க்கையில் இரண்டாவது இன்னிங்சை தொடங்க இருக்கிறார் என கடந்த டிசம்பரில் செய்திகள் வெளியாகியது. அப்போது அவரும், அமெரிக்க தொழிலதிபர் அலெக்சிஸ் ஒஹானியனும் திருமண நிச்சயதார்த்தம் செய்து கொண்டிருப்பது தெரியவந்தது. 33 வயதான அலெக்சிஸ், ரெட்டிட் இணையதளத்தின் நிறுவனர்களில் ஒருவர். இருவரின் முதல் சந்திப்பு ரோம் நகரில் நடந்தது. அப்போது அலெக்சிஸ், செரீனாவிடம் காதலை வெளிப்படுத்தி உள்ளார். அதை அவரும் ஏற்றுக்கொண்டார். ஆனாலும் தங்களது காதலை வெளி உலகுக்கு தெரியப்படுத்தாமல் ரகசியம் காத்து வந்தனர். நிச்சயதார்த்தம் முடிந்த பின்னர் உறவு வெளிச்சத்துக்கு வந்துள்ளது. திருமண தேதியை இன்னும் முடிவு செய்யவில்லை என்று குறிபிட்ட செரீனா இப்போது கர்ப்பமாக உள்ளார் என்பது தெரியவந்து உள்ளது.

முன்னாள் வீரர்கள்
டென்னிஸ் வீராங்கனைகள் குழந்தை பெற்றுக் கொண்ட பின்னரும் டென்னிஸ் போட்டிகளில் அசத்தி வருகிறார்கள், உதாரணமாக டென்னிஸில் அதிரடியாக உயர்வை எட்டிய பெலாரஸ் நாட்டை சேர்ந்த வீராங்கனை விடோரியா அசரன்ங்கா (செரீனா வில்லியம்ஸைவிட 8 வயது குறைந்தவர்) தன்னுடைய முதல் குழந்தையை டிசம்பர் மாதம் பெற்றுக் கொண்டார், மார்ச் மாதம் மீண்டும் டென்னிஸ் பயிற்சியை தொடங்கிவிட்டார், சான்பிரான்ஸிகோவில் ஜூலை இறுதியில் நடைபெற உள்ள ஓபன் டென்னிஸ் போட்டியில் கலந்துக் கொள்ள தீவிர பயிற்சியில் ஈடுபட்டு உள்ளார்.

இதை ஷேர் செய்திடுங்கள்:

சில சுவாரிஸ்யமான தகவல்கள்

எரியும் பனிக்கட்டி

உலகில் முதன் முறையாக மீத்தேன் ஹைட்ரேட் எனும் எரிபொருளை சீன பொறியியலாளர்கள் கண்டுபிடித்துள்ளனர். கடந்த வருடமே, எரியக்கூடிய பனிக்கட்டி என அழைக்கப்படும் மீத்தேன் ஹைட்ரேட் வாயு கண்டுபிடிக்கப்பட்டுள்ளதாக சீனா அறிவித்திருந்தது. எனினும் தற்போது தான் இது உறுதிசெய்யப்பட்டுள்ளது. இந்த வாயுவானது பனிக்கட்டி போன்று தோற்றத்தினை கொண்டிருப்பதனாலேயே எரியும் பனிக்கட்டி என அழைக்கப்படுகின்றது. இயற்கை எரிபொருளாகக் காணப்படும் இவ்வாயு எவ்வாறு தோற்றம் பெறுகின்றது என்பது தொடர்பான விளக்கப்படம் ஒன்று வெளியிடப்பட்டுள்ளது. இதேவேளை இவ்வாயுவைக் கண்டறிய அமெரிக்கா, ஜப்பான், இந்தியா மற்றும் தென்கொரிய நாடுகளும் பல மில்லியன் டாலர்களை முதலீடு செய்திருந்த நிலையில்,  சீனா இதில் வெற்றிபெற்றுள்ளது.

மனிதர்களை போன்றே....

சமூக ஈடுபாடு மனிதர்களில் அதிகம் காணப்படுகின்றது. இதே இயல்பு குரங்குகளிலும் காணப்படுவதாக தற்போது ஆராய்ச்சியாளர்கள் கண்டுபிடித்துள்ளனர். குரங்கின் மூளையிலுள்ள நரப்பு வலையமைப்பினை ஸ்கேன் செய்து பார்த்த போது இந்த உண்மை வெளியாகியுள்ளது.குரங்குகளின் மூளைகளில் உள்ள நியூரான்களில் மனிதர்களை போன்று கற்பனைத்திறன் உள்ளதும் கண்டுபிடிக்கப்பட்டுள்ளது.

கலாம் பெயர்

விண்வெளியில் ஐ.எஸ்.எஸ். என்று அழைக்கப்படும் சர்வதேச விண்வெளி மையத்தில் புதிய உயிரினம் ஒன்றை விஞ்ஞானிகள் கண்டுபிடித்துள்ளனர். இந்த புதிய உயிரினம், பாக்டீரியா வடிவம் போன்றது. இந்த உயிரினம் பூமியில் காணப்படுவதில்லை. சர்வதேச விண்வெளி நிலையத்தில் மட்டுமே காணப்படுபவை. இந்த உயிரினத்துக்கு மறைந்த டாக்டர் அப்துல் கலாமின் பெயரை நாசா விஞ்ஞானிகள் சூட்டியுள்ளனர்.

குடிநீருக்காக ....

அண்டார்டிகாவில் இருந்து ஐக்கிய அரபு நாடுகளுக்கு குடிநீர் எடுக்கும் திட்டத்தை 2019-ம் ஆண்டிற்குள் தொடங்க, அமீரக நாடுகள் திட்டமிட்டுள்ளன. குடிநீர் பிரச்சனையை தீர்க்க அண்டார்டிகாவிலிருந்து பனிப்பாறைகளை வெட்டி எடுத்து, கடல்மார்க்கமாக 9,200 கி.மீ கொண்டு வந்து, பின்னர் அதை தண்ணீராக்கி விநியோகிக்கத் திட்டமிட்டுள்ளனர். இதற்கு சுமார் 500 மில்லியன் டாலர்கள் செலவாகுமாம்.

மாற்று வழி

பெட்ரோல் மற்றும் டீசலில் இயங்கக் கூடிய கார்கள், 2030-இல் பயன்பாட்டில் இல்லாத நிலை உருவாகும். 2030-இல் எரிசக்திப் பற்றாக்குறையாலும் சுற்றுச்சூழல் கருதியும், பெட்ரோல் புழக்கமே அரிதாகிவிடுமாம். 2024-ல் ஒரு பேரல் பெட்ரோல் வெறும் 25 அமெரிக்க டாலராகக் குறையும் என்றும், 2030-க்குள் உலகில் எண்ணெய் தொழில் முடங்கிப் போகும் என்று ஆய்வில் தெரியவந்துள்ளது.

வானில் அதிசயம்

சூரிய குடும்பத்தில் உள்ள நெப்டியூன் கோளுக்கு அருகில் உள்ள குயிர்பெர் மண்டலத்தில், 1,500 கிலோ மீட்டர் பரப்பளவு கொண்ட, குள்ளமான கிரகம் ஒன்று உள்ளது. இதற்கு ‘2007 OR10’ என்று விஞ்ஞானிகள் பெயரிட்டுள்ளனர். இந்த குள்ள கிரகத்தில் 400 கிலோமீட்டர் பரப்பளவில் நிலா ஒன்று இருப்பதை நாசா விஞ்ஞானிகள் கண்டுபிடித்துள்ளனர்.

ஸ்மார்ட் வாட்ச்

ரத்தத்தில் உள்ள சர்க்கரை அளவு, இதயத்துடிப்பு, ரத்த அழுத்தம் ஆகியவற்றைக் கண்டறியும் சென்சார்களைக் கொண்ட ஸ்மார்ட் வாட்ச்களைக் கண்டுபிடிப்பது ஆப்பிள் நிறுவனர் ஸ்டீவ் ஜாப்ஸ்-இன் கனவாக இருந்தது. இதற்கு வடிவம் கொடுக்கும் நவீன சென்சார்களைத்தான் ஆப்பிள் நிறுவன பயோமெடிக்கல் என்ஜினியர்கள் தற்போது உருவாக்கியுள்ளனர்.

கூகுள் லென்ஸ்

கூகுள் லென்ஸ் மூலம் நீங்கள் ஏதேனும் ஒரு பொருளை உங்கள் கைபேசியின் கேமராவில் காட்டினால் அதைப்பற்றிய முழு தகவல்களையும் உங்களுக்கு அளித்துவிடும். உதாரணமாக நீங்கள் செல்லும் வழியில் ஒரு பூவை பார்க்கிறீர்கள். அந்த பூவைப்பற்றி தெரிந்துகொள்ள விரும்பினால் அந்த பூவை உங்கள் கேமராவில் காட்டினால் போதும், உங்களுக்கு எல்லா தகவல்களையும் கூகுள் லென்ஸ் தெரிவித்துவிடும். கடினமான வைஃபை ரகசிய எண்ணை மிக எளிதாக கூகுல் லென்ஸ் மூலம் அறிந்து கொள்வதுடன், வைஃபை-யை இணைத்தும் கொள்ளலாம்.மேற்கொண்ட வசதிகளை கொண்ட கூகுள் அசிஸ்டண்ட்கள் அனைத்து ஆண்டராய்டு மொபைல்களிலும் உள்ளது.

மனிதர்களை மிஞ்சும் ரோபோ

ரோபோகள் மருத்துவர்களால் செய்ய முடியாத பல செயல்களை நொடிப் பொழுதில் செய்து முடித்து விடுகிறது. அமெரிக்காவில் உள்ள யூட்டா பல்கலைக்கழக விஞ்ஞானிகள் குழு ஒன்று, 2.5 நிமிடத்தில் அறுவை சிகிச்சை செய்யக்கூடிய ரோபோவினை வடிவமைத்துள்ளனர். பொதுவாக மூளை அறுவை சிகிச்சை செய்ய மனிதர்களால் குறைந்தது 2 மணி நேரமாகும். ஆனால் அதே அறுவை சிகிச்சையை வெறும் 2.5 நிமிடத்தில் செய்யக்கூடிய திறன் கொண்டுள்ளது இந்த ஸ்மார்ட் ரோபோ. மேலும் சி.டி ஸ்கேன் தொழில்நுட்பத்தில் மூளையின் பகுதிகளை பிரித்து அறியக்கூடிய திறனையும் இந்த ரோபோ பெற்றுள்ளது. மூளை அறுவை சிகிச்சையில் மட்டுமல்ல, இடுப்பு தொடர்பான ஆபரேஷன்களிலும் இந்த சாதனம் பயன்படுத்தபடுகிறது.

மறதி நோய்

வயது மூப்பின் காரணமாகவும், மன அழுத்தம் காரணமாக அல்சைமர் எனும் மறதி நோய் ஏற்படுவதாக நம்பப்பட்டு வந்த நிலையில்,  தற்போது வெள்ளரிக்காய், உருளைக்கிழங்கு, தக்காளி, சோயா ஒரு சில தானியங்கள், சில பால் பொருட்கள் உள்ளிட்டவற்றில் உள்ள அதிக புரதம் மறதி நோயை உண்டாக்குவதாக ஓர் ஆய்வில் தெரியவந்துள்ளது.

புதிய வசதி

உலகம் முழுவதும் 200 கோடி பேர் பயன்படுத்தும் ஃபேஸ்புக்கில் உணவுகளை ஆர்டர் செய்யும் புதிய வசதி அறிமுகப்படுத்தபட்டுள்ளது. இதற்கு ஃபேஸ்புக் நிறுவனம், ‘ஃபேஸ்புக் ஆர்டரிங்க்’ என்ற புதிய வசதியை அறிமுகப்படுத்தியுள்ளது. அமெரிக்காவில், வரும் அக்டோபர் மாதம் முதல் உணவு ஆர்டர் செய்யும் புதிய வசதி நடைமுறைப்படுத்தவுள்ளது.

காற்று தூய்மை

மன அழுத்தம் மட்டுமல்ல, காற்று மாசுபாடு கூட தூக்கமில்லாமல் இருப்பதற்கு முக்கிய காரணம் என்கிறது சமீபத்திய ஆய்வு முடிவு. மூக்கு, தொண்டையின் பின்புறப் பகுதிகள் மாசடைந்த காற்றால் பாதிக்கப்பட்டு தூக்கமின்மைக்கு காரணமாக மாறுவதாக வாஷிங்டன் பல்கலைக்கழகம் நடத்தியுள்ள ஆய்வின் முடிவில் தெரியவந்துள்ளது.